Taratibu zinazo tumika katika kupata vikundi vinavyopendekezwa kupewa mkopo kutoka mfuko wa wanawake katika Halmashauri ya Wilaya ya Mbarali
Ili kudumisha uwazi na haki ya kila kikundi kuwa na fursa ya kupata mkopo katika Halmashauri ya Wilaya ya Mbarali mchakato unaanzia ngazi ya Kijiji/Mtaa ambako vikundi vinatoka.
Utaratibu ni kama ufuatavyo:
Vikundi vitapeleka maombi ya mkopo katika Halmashauri ya Kijiji. Halamashauri ya kijiji itajadili na kupendekeza majina ya vikundi vitatu (3) na kuyawasisilisha pamoja na Muhtasari wa kikao na majina ya vikundi vilivyopendekezwa ngazi ya Kata
Kamati ya Maendeleo ya Kata itajadili majina ya vikundi kutoka ngazi ya Kijiji na kupendekeza majina ya vikundi viwili (2) na kuyawasilisha Muhtasari wa kikao cha WDC na majina ya vikundi vilivyopendekezwa ngazi ya Wilaya (Halmashauri)
Wakati wa kujadili katika ngazi hizo mambo yafuatayo yatatumika kama vigezo katika mchakato wa kupendekeza vikundi vitakavyopata mkopo toka MFUKO WA WANAWAKE
Kikundi kiwe na shughuli inayoendelea angalau miezi 6 ili kuepuka vikundi vinavyoundwa kwa ajili ya mkopo kwa sababu vikundi vya aina hiyo havina uendelevu baada ya mkopo kuisha
Kikundi kiwe kimesajiliwa na kutambulika kisheria
Kikundi kiwe na Akaunti benki
Katika ngazi ya Kata, Kata ambazo kuna Afisa Maendeleo ya Jamii atatumiwa sana kuvitambua vikundi vinavyotakiwa kupata mkopo kwani yeye ndie mtaalamu anaefanya kazi na vikundi kwa kuvipa ushauri na mafunzo mabalimbali hivyo atakuwa anatambua uimara na udhaifu wa vikundi vyote katika Kata.
Aidha Afisa Maendeleo ya Jamii wa Kata atasaidia kuvikumbusha vikundi vilivyopata mkopo kurejesha mkopo muda wa urejeshaji unapofika kwa vikundi vitakavyopata mkopo.
Vikundi vikishapita katika ngazi ya Kijiji, Kata na ngazi ya Wilaya na kisha kukubaliwa kupata mkopo mambo yafutayo yanafanyika:
Kikundi Kitaingia makubaliano na kusaini mkataba na Halmashauri ili kuhakikisha kuwa wanarejesha fedha waliokopeshwa
Mkataba huu utasainiwa na Halmashauri (Mkurugenzi Mtendaji) na Mwanasheria kwa upande wa mkopeshaji
Upande wa Wanakikundi kama mkopaji Mkataba utasainiwa na viongozi wa vikundi wanne yaani Menyekiti, Makamu Mwenyekiti, Katibu na Mtunza Fedha wa kikundi.
Mtendaji wa Kijiji kinakotoka kikundi ataweka saini kwenye mkataba kama mdhamini wa kikundi.
Viongozi (Menyekiti, Makamu Mwenyekiti, Katibu na Mtunza Fedha wa kikundi) watawasilisha picha zao (passport size) Halamashauri na kubandikwa kwenye mkataba.
