Mbarali washindi ngazi ya Kanda na Mkoa Maonesho ya Nanenane 2020

Tarehe ya Kuanza: August 9th, 2020

Halmashauri ya Wilaya ya Mbarali yaibuka kidedea kwa kutoa washindi wawili ngazi ya Kanda na Mkoa kwenye maonesho ya Nanenane Nyanda za Juu Kusini kwenye Viwanja vya John Mwakangale Jijini Mbeya siku ya tarehe 08/08/2020.

Kwanza kabisa Mzee Melkizedeck K. Saro kutoka Kutoka kata ya Kongoro Mswisi Halmashauri ya Wilaya ya Mbarali amekuwa mshindi wa kwanza kwa ufugaji  Bora wa Samaki na Kuku ngazi ya Kanda na Mkoa kwa kuzigalagaza Halmashauri zote kutoka Mikoa 7 iliyoshiriki maonyesho hayo na kujipatia hundi ya kiasi cha shilingi milioni 3 pamoja na cheti .

Pili Bi. Orika L. Mwaya Kutoka kata ya Mapogoro Halmashauri ya Wilaya ya Mbarali ameshika nafasi ya kwanza ya ukulima bora ngazi ya Mkoa kwa kuzigalagaza halmshauri zingine 6 za mkoa wa mbeya na kujipatia cheti.

Mkuu wa Wilaya ya Mbarali Mhe. Reuben Mfune amewapongeza washindi hao na amewataka wakulima pamoja na wafugaji wengine kufuata nyayo zao ili awamu ijayo Mbarali itoe washindi wengi zaidi kwani Wilaya ya Mbarali inasifika kwa kilimo bora pamoja na ufugaji.