Kamati ya Elimu, Afya na Maji

HALMASHAURI YA WILAYA YA MBARALI

Mhe. Lwitiko I. Mwangosi

Mwenyekiti wa Kamati

Majukumu ya jumla

Kushughulikia mambo yote yanayohusu Afya ya jamii, Elimu na Maji. Kamati hii pia inashughulikia mambo yanayohusiana na jitihada za wananchi vijijini kujiletea maendeleo yao kwa kutumia mbinu mbalimbali ikiwa ni pamoja na kushauri,kushawishi,kuzindua,kuelimisha na kushirikisha wananchi hao hasa katika kutayarisha,kutekeleza,kusimamia na kuthibiti mipango yao ya maendeleo

Majukumu maalumu ya kamati;-

1. Kuandaa mipango madhubuti ya maendeleo ya upanuzi na ujenzi wa Hospital, vituo ya Afya na Zahanati.
2. Kuandaa mipango ya maendeleo ya upanuzi wa Shule za Awali na Msingi na Elimu ya watu Wazima kwa mujibu wa Sheria ya Elimu ya 1978 kama ilivyorekebishwa mwaka 1995.
3. Kupendekeza mipango ya ujenzi au upanuzi wa vituo,viwanja,majengo na mazingira ya burudani,starehe,mapumziko na michezo.
4. Kuamua juu ya mambo yanayohusu uhifadhi wa mambo ya kale na mandhari mbalimbali yenye sura nzuri.
5. Kuandaa na kuratibu njia bora juu ya uhifadhi wa nyaraka muhimu kwa ajili ya kumbukumbu za histiria na uanzishwaji wa maktaba ya Halmashauri ambamo kumbukumbu hizo zitahifadhiwa kwa mujibu wa Sheria za Mitaa).
6. Kupendekeza njia bora juu ya uhifadhi wa Sanaa mbalimbali za ufundi na maonyesho kwa mujibu wa Sheria ya Serikali za Mitaa Na. 7 ya 1982 jedwali la (118).
7. Kupendekeza matumizi mazuri ya Lugha ya Taifa.
8. Kupendekeza namna ya malezi ya vijana ili waweze kuwa wazalishaji katika Taifa.
9. Kuweka mikakati madhubuti ya kuhakikisha kila mtoto aliefikia umri wa kwenda shule anafanya hivyo.
10. Kuweka mikakati ya makusudi juu ya njia bora za kuchangia baadhi ya huduma za elimu na afya
11. Kubuni na kupendekeza njia bora za kuzuia na kudhibiti magonjwa ya milipuko.
12. Kushughulikia mipango ya upanuzi na uenezaji wa maji kwa matumizi ya watu na Mifugo.
13. Kupendekeza Sheria Ndogo zinazohusu kamati hii.