Kata ya Igava

HALMASHAURI YA WILAYA YA MBARALI

KATA YA IGAVA

MHE. UDESSY E. NASSORO

DIWANI WA KATA

Namba ya Simu ya Mkononi +255 755 834 245

TAARIFA YA KATA YA IGAVA

1. UTANGULIZI

Kata ya Igava ipo Wilaya ya Mbarali Tarafa ya Rujewa upande wa Magharibi na ni umbali wa kilometa 26 kutoka makao makuu ya Halmashauri ya Wilaya ya Mbarali na ina kilometa za mraba 95,201.9. Kata hii imepakana na kata za Miyombweni upande wa Kaskazini, Ipwani upande wa Mashariki, Rujewa upande wa Magharibi, Mawindi upande wa Kusini Mashariki na imepakana Hifadhi ya Taifa ya RUNAPA upande wa Magharibi.

Katika ngazi ya Kata kuna Viongozi ambao ni Diwani wa Kata na Afisa Mtendaji wa Kata na kwa upande wa Vijiji kuna Wenyeviti wa Vijiji pamoja na Maafisa watendaji wa Vijiji.

Kata hii ina Jumla ya watumishi 96 ambao ni; Mtendaji wa kata 1. watendaji wa Vijiji 5, Walimu 81, afya 5, Kilimo na ushirika 2, Mifugo na Uvuvi 2.

Kata ya Igava ina Jumla ya Vijiji 5 ambavyo ni Kijiji cha Igava, Kijiji cha Iwalanji, Kijiji cha Igunda Muungano, Kijiji cha Vikaye na Kijiji cha Ikanutwa, pamoja na Kijiji cha Ilolo. Aidha kata hii ina vitongoji vipatavyo 27

Kata ina Jumla ya wakazi wapatao 14,292 kati yao wanaume 6,873 na Wanawake 7,413. Makabila yanayopatikana katika kata ya Igava  ni pamoja na Kabila la Wasangu, Wabena, Wasukuma, Wahehe, Wamasai, Wagogo na Wanyatulu.

Shughuli kubwa za kiuchumi katika kata hii ni pamoja na Kilimo, ufugaji, Biashara pamoja na usafirishaji wa bidhaa mbalimbali.

Vyanzo vya Mapato katika kata hii inatofautiana kutokana na Kijiji kimoja hadi kingine, miongoni mwa vyanzo hivyo ni kama;, faini/adhabu mbalimbali, pawatila za Vijiji, Ruzuku kutoka Serikali kuu (Halmashauri ya Wilaya) pamoja na misaada kutoka kwa Wadau mbalimbali.

Vivutio vya utalii vinavyopatikana katika kata ni pamoja na Misitu ya asili pamoja na Hifadhi ya Taifa ya RUNAPA.

Hali ya Ulinzi na Usalama ndani ya kata ni nzuri kabisa kwani hakuna matukio ya kuhatarisha usalama. Aidha kila Kijiji kina Kamati ya Ulinzi na Usalama ambavyo vinafanya kazi usiku na mchana sambamba na majukumu mengine huhakikisha ulinzi na usalama wa wananchi na mali zao.

2. HUDUMA ZA KIJAMII ZINAZOTOLEWA PAMOJA NA FURSA ZILIZOPO

 A. ELIMU
Kata ya Igava ina Jumla walimu 81, shule za Msingi tano (5) pamoja na shule ya sekondari moja shule hizo ni kama ifuatavyo; 

 i. ELIMU MSINGI

• Shule ya Msingi Ikanutwa
• Shule ya Msingi Igava
• Shule ya Msingi Vikae
• Shule ya Msingi Mlembule
• Shule ya Msingi Mkandami B.

 ii. ELIMU SEKONDARI

• Shule ya Sekondari Igava

B. AFYA

Kata ya Igava ina watumishi wa Afya 5 na Zahanati 2.  Magonjwa yanayosumbua katika kata ni pamoja na MARALIA, URTI, Kuhara, magonjwa ya ngozi, STI, INF, Minyoo, eye infection.

C. KILIMO NA USHIRIKA

Idadi ya watumishi katika Idara ya Kilimo ndani ya kata ni watumishi 2. Kata hii ina wakulima wapatao 7,912. Mazao yanayopatikana ndani ya kata ni pamoja na zao la Mpunga, zao la Mahindi, zao la Mtama, viazi vitamu, Alizeti, Karanga, Njugu, Kunde, Maharage, Choroko pamoja na mboga za aina mbalimbali.

Huduma zinazotolewa na Wataalam wa Kilimo ni ;

• Huduma za ugani
• Mashamba darasa juu ya Kilimo cha Kisasa
• Hifadhi bora ya Mazao ya Chakula
• Elimu juu ya ushirika
• Ukaguzi wa vyama vya ushirika pamoja na ushauri wa namna ya kuviendesha na kuvisimamia
• Kutatua Migogoro ya Wakulima na Wafugaji
• Elimu ya masoko na stakabadhi ghalani
• Ushauri juu ya matumizi sahihi ya maji
• Ushauri juu ya matumizi sahihi  ya zana za Kilimo na pembejeo
• Ushauri juu ya Kilimo bora cha Mazao
• Kukusanya takweimu za Mvua
• Kuandaa na kutoa taarifa ya Utekelezaji ya kila robo mwaka na kuwasilisha wilayani.
• Kuandaa na kutoa taarifa ya Utekelezaji wa Maendeleo ya Kilimo katika Kamati ya Maendeleo ya kata.

D. MIFUGO NA UVUVI

Idadi ya watumishi katika Idara hii ni 2 na idadi ya Mifugo iliyopo ndani ya kata ni kama ifuatavyo;

• Ng’ombe 16,305

Huduma zinazotolewa na Idara ni pamoja na;

• Tiba kwa magonjwa dhidi ya Mifugo
• Huduma mbalimbali za Mifugo kama kuhasi, kukata pembe, kwato na midomo, kupiga chapa Mifugo, kukata meno, kuzalisha, kuogesha na Ukaguzi wa nyama
• Ushauri juu ya ujenzi bora wa mabanda ya Mifugo
• Kutoa elimu ya ufugaji bora wa namna ya ufugaji wa Mifugo yenye tija
• Ukaguzi wa Nyama na usafi katika Machinjio
• Kusimamia zoezi Endelevu la upigaji chapa wa mifugo

Sekta ya Uvuvi ni mojawapo ya sekta zinazofanya kazi katika kata hii. Idara inaendelea kushauri wananchi juu ya uchimbaji bora wa mabwaya ya samaki kwa ajili ya ufugaji wenye tija.

E. MALIASILI 

 i. Vivutio vingi vya utalii kama ifuatavyo;

• Misitu ya asili
• Hifadhi ya Taifa ya RUNAPA.

 ii. Hifadhi ya Misitu

kata ya Igava inaendelea kuhamasisha wananchi juu ya ulinzi na utunzai wa hifadhi kwa kushirikiana na Wakala wa Misitu Tanzania (TFS) katika Vijiji vilivyopakana na hifadhi hizo, kupanda miti, kuzuia uharibifu wa mazingira kwa kuchoma mkaa na kukata miti hovyo bila ya kuipanda upya, pamoja na kutoa ushauri wa kitaalamu juu ya uoteshaji na upandaji miti.

 iii. Mikakati ya uhifadhi wa mazingira pamoja na faida inayopatikana kutokana na uhifadhi huo. 

Idara inaendelea kutoa hamasa kwa wananchi pamoja na taasisi kuhusiana na kuendelea kulinda mazingira hasa maeneo ya misituasili na vyanzo vya maji kwa matumizi Endelevu, kuendelea kushauri kutengwa kwa Bajeti kwa ajili ya uoteshaji na upandaji wa miti katika Vijiji na kuendelea kuhamasisha Kilimo na ufugaji bora kwa ajili ya kuongeza vipato.

F. MAENDELEO YA JAMII

zinazofanya na ni kama ifuatavyo;

• Uandikishaji wa vyeti vya kuzaliwa kwa watoto chini ya miaka 5
• Elimu ya ulinzi na usalama wa mtoto
• Elimu ya kupinga ukatili kwa akina mama na watoto
• Kutetea haki za wazee, watoto na jamii kwa ujumla
• Kuhamasisha wananchi kujiunga na bima ya afya
• Kuhamasisha wazazi kupeleka watoto shuleni
• Kufuatilia shughuli za kiuchumi zinazofanywa na wanufaika wa Tasaf
• Kufuatilia Utekelezaji wa Kamati za ukimwi vijijni (VMAC)
• Kuhamasisha Wanawake, Vijana na Walemavu juu ya shughuli mbalimbali za ujasiliamali
• Kuhamasisha shughuli za Maendeleo kwenye mikutano na vikundi
• Kusimamia shughuli mbalimbali za Maendeleo vijijini.