Kata ya Mahongole

HALMASHAURI YA WILAYA YA MBARALI

KATA YA MAHONGOLE

MHE. PATRICK ANDULILE MWAISOBA

DIWANI WA KATA

Namba ya Simu ya Mkononi 

TAARIFA YA KATA YA MAHONGOLE

1. UTANGULIZI

Kata ya Mahongole ipo Wilaya ya Mbarali tarafa ya Ilongo umbali wa kilometa 83 kutoka makao makuu ya Wilaya ya Mbarali. Kata hii ipepakana na kata za Ruiwa, Kongolo Mswisi pamoja na Halmahsauri ya Wilaya ya Mbeya. 

Katika ngazi ya Kata kuna Viongozi ambao ni Diwani wa Kata na Afisa Mtendaji wa Kata na kwa upande wa Vijiji kuna Wenyeviti wa Vijiji pamoja na Maafisa watendaji wa Vijiji.

Kata hii ina Jumla ya watumishi 108 ambao ni; Mtendaji wa Kata 1,Watendaji wa Vijiji 6, Elimu 84, Afya 9, Kilimo, Umwagiliaji na ushirika 5, Mifugo na Uvuvi 1, maliasili 1 pamoja na Maendeleo ya jamii 1. 

Kata ya Mahongole ina Jumla ya Vijiji 6 ambavyo ni Kijiji cha Ilongo, Kijiji cha Igalako, Kijiji cha Ilaji, Kijiji cha Nsonyanga, Kijiji cha Mahongole pamoja na Kijiji cha Kapyo. Aidha kata hii ina vitongoji vipatavyo 31

Kata ya Mahongole ina Jumla ya wakazi wapatao 10,348 kati yao wanaume 4,980 na Wanawake 5,368. Makabila yanayopatikana katika kata ya Mahongole ni pamoja na Kabila la Wasangu, Wasafwa, Wasukuma, Wahehe, Wanyakyusa, Wabena, na Wawanji, shughuli kubwa za kiuchumi katika kata hii ni pamoja na Kilimo, ufugaji na Biashara. 

Hali ya Ulinzi na Usalama ndani ya kata ni nzuri kabisa kwani hakuna matukio ya kuhatarisha usalama. Aidha kila Kijiji kina Kamati ya Ulinzi na Usalama, sambamba na majukumu mengine huhakikisha ulinzi na usalama wa wananchi na mali zao.

2. HUDUMA ZA KIJAMII ZINAZOTOLEWA PAMOJA NA FURSA ZILIZOPO

    A. ELIMU

Kata ya Mahongole ina Jumla ya walimu 84, shule za Msingi Tano (5) pamoja na shule ya sekondari moja shule hizo ni kama ifuatavyo; 

       i. Elimu msingi

• Shule ya Msingi Ilongo
• Shule ya Msingi Igalako
• Shule ya Msingi Mkoji
• Shule ya Msingi Kapyo na
• Shule ya Msingi Nsonyanga

     ii. Elimu ya sekondari

• Shule ya Sekondari Ruiwa

  B. AFYA 

Kata ya Mahongole ina Jumla ya Zahanati tatu (3) pamoja na watumishi tisa (9) ambapo kila zahanati kuna watumishi watatu (3). Zahanati hizo zinapatikana ndani ya Vijiji vya Ilongo, Kapyo na Mahongole. Magonjwa yanayosumbua katika kata ya Mahongole ni pamoja na Nimonia, Kuhara, Urti, Sti, Njia ya Hewa,Utapiamlo, kichochi na Malaria.

C. KILIMO NA USHIRIKA 

Idadi ya watumishi katika Idara ya Kilimo ndani ya kata ni watumishi watano (5). Kata hii ina wakulima wapatao 1,787 kupitia skim za umwagiliaji nne (4) ambazo ni skimu ya Ipatagwa, Motombaya, Azimio Mswisi na Nyasa Kapyo. Mazao yanayopatikana ndani ya kata ni pamoja na zao la Mpunga, zao la Mahindi, zao la mihogo, na aina mbalimbali za mbogamboga.

Huduma zinazotolewa na Wataalam wa Kilimo ni ; 

• Huduma za ugani
• Elimu juu ya ushirika
• Ukaguzi wa vyama vya ushirika pamoja na ushauri wa namna ya kuviendesha na kuvisimamia
• Elimu ya masoko na stakabadhi ghalani
• Ushauri juu ya matumizi sahihi ya maji
• Ushauri juu ya matumizi sahihi  ya zana za Kilimo na pembejeo
• Ushauri juu ya Kilimo bora cha Mazao

  D. MIFUGO NA UVUVI

Idadi ya watumishi katika Idara hii ni mmoja (1) na idadi ya Mifugo iliyopo ndani ya kata ni kama ifuatavyo;

• Ng’ombe                     4,454
• Kondoo                       392
• Mbuzi                          1,449
• Punda                          68
• Bata                             471
• Kuku                           1,011
• Nguruwe                     501
• Paka                            113

Sekta ya Uvuvi ni mojawapo ya sekta zinazofanya kazi katika kata ya Mahongole. Hali ya Uvuvi katika mwaka 2016/2017 haikuwa nzuri kutokana na kuto kuwa na mvua ya kutosha kitu kilischosababisha kupungua kwa uzaliano wa samaki.

Idara inaendelea kushauri wananchi juu ya uchimbaji bora wa mabwaya ya samaki kwa ajili ya ufugaji wenye tija.

  E. MALIASILI 

Idara ina mtumishi mmoja ambaye anahudumia kata 3 ambazo ni kata ya Mahongole, Mwatenga na Ruiwa. Kata ina

  i. Vivutio vingi vya utalii kama ifuatavyo;

• Mapango ya watu wa kale
• Bwawa lenye samaki wasioiva
• Jiwe la maajabu ukiligonga linalia kama kengele
• Nyumba ya matambiko ya kabila la wasangu ambayo imezungukwa na msitu mnene wa miti ya asili

  ii. Hifadhi ya Misitu

kata ya Mahongole imepakana na hifadhi ya Serikali kuu mbili ambazo ni Mwambalizi na Ilembo Usafwa. Idara hii inaendelea kuhamasisha wananchi juu ya ulinzi na utunzai wa hifadhi kwa kushirikiana na Wakala wa Misitu Tanzania (TFS) katika Vijiji vilivyopakana na hifadhi hizo, pia kwa kushirikiana na TFS zimewekwa alama za mipaka (Mabango na Biacon) kwa ajili ya kuwatambulisha wanaotaka kuvuka mipaka hiyo. Idara inaendelea kutoa ushauri wa kitaalamu juu ya uoteshaji na upandaji miti.

Vilevile kuna shughuli za ufugaji nyuki ndani ya kata, na kuna vikundi vitatu vya ufugaji vya watu binafsi.

  iii. Mikakati ya uhifadhi wa mazingira pamoja na faida inayopatikana kutokana na uhifadhi huo.

Idara inaendelea kutoa hamasa kwa wananchi pamoja na taasisi kuhusiana na kuendelea kulinda mazingira hasa maeneo ya misituasili na vyanzo vya maji kwa matumizi Endelevu, kuendelea kushauri kutengwa kwa Bajeti kwa ajili ya uoteshaji na upandaji wa miti katika Vijiji na kuendelea kuhamasisha ufugaji bora wa nyuki kwa ajili ya kuongeza vipato, pia kuwashirikisha wananchi katika kulinda wanyamapori ikiwa ni pamoja na kutoa taarifa punde wanyama waharibifu wanapohatarisha maisha ya watu ili kuweza kuwadhibiti.

   F. MAENDELEO YA JAMII

Idara hii ina mtumishi mmoja, na kazi zinazofanya na ni kama ifuatavyo;

• Uandikishaji wa vyeti vya kuzaliwa kwa watoto chini ya miaka 5
• Elimu ya ulinzi na usalama wa mtoto
• Elimu ya kupinga ukatili kwa akina mama na watoto
• Kutetea haki za wazee, watoto na jamii kwa ujumla
• Kuhamasisha wananchi kujiunga na bima ya afya
• Kuhamasisha wazazi kupeleka watoto shuleni
• Kufuatilia shughuli za kiuchumi zinazofanywa na wanufaika wa Tasaf
• Kufuatilia Utekelezaji wa Kamati za ukimwi vijijni (VMAC)
• Kuhamasisha Wanawake, Vijana na Walemavu juu ya shughuli mbalimbali za ujasiliamali
• Kuhamasisha shughuli za Maendeleo kwenye mikutano na vikundi
• Kusimamia shughuli mbalimbali za Maendeleo vijijini