Kata ya Miyombweni

HALMASHAURI YA WILAYA YA MBARALI

KATA YA MIYOMBWENI

Mhe. 

DIWANI WA KATA

TAARIFA YA KATA YA UBARUKU

1. UTANGULIZI

Kata ya Miyombweni ni mojawapo ya kata 20 zilizopo katika Wilaya ya Mbarali, Tarafa ya Rujewa, upande wa Kusini Magharibi, umbali wa kilometa 56 kutoka makao makuu ya Halmashauri ya Wilaya ya Mbarali. Kata Miyombweni ilianzishwa kwa mujibu wa sheria za serikali za Mitaa.

Kata hii imepakana na kata za Igava, Madibira na Ipwani.

Kata ya Miyombweni ina Jumla ya Vijiji 5 ambavyo ni Kijiji cha Mapogoro, Kijiji cha Miyombweni, Kijiji cha Mlungu, Kijiji cha Magigiwe na Kijiji cha Nyakazombe. Aidha kata hii ina vitongoji vipatavyo 18.

Katika ngazi ya Kata kuna Viongozi ambao ni Diwani wa Kata na Afisa Mtendaji wa Kata na kwa upande wa Vijiji kuna Wenyeviti wa Vijiji pamoja na Maafisa watendaji wa Vijiji.

Kata ya Miyombweni ina jumla ya watumishi 59 wa kada mbalimbali kama ifuatavyo: Utawala 6, Elimu watumishi 39, Afya watumishi 8, Maliasili watumishi 1, Kilimo watumishi 3, Mifugo watumishi 2 na Maendeleo ya jamii watumishi 0.

Kata ya Miyombweni ina jumla ya wakazi wapatao 9,816 kati yao Wanaume 4,619 na Wanawake 5,197. Makabila yanayopatikana katika kata ya Miyombweni ni wasangu, wabena, wasukuma na wahehe.

Shughuli kubwa za kiuchumi katika kwa wananchi wake kama ifuatavyo; kilimo ufugaji na Biashara

Vyanzo vya Mapato katika kata hii inatofautiana kutokana na Kijiji kimoja hadi kingine, miongoni mwa vyanzo hivyo ni kama; faini/adhabu mbalimbali, pawatila za Vijiji, michango ya wananchi, ushuru mdogomdogo, Ruzuku kutoka Serikali kuu (Halmashauri ya Wilaya) pamoja na misaada kutoka kwa Wadau mbalimbali.

Vivutio vya utalii vinavyopatikana katika kata ni pamoja na Misitu ya asili na Hifadhi ya Taifa ya Ruaha ambako ndipo ulipo mlango wa kuingilia ujulikanao kama Ikoga.

Hali ya Ulinzi na Usalama ndani ya kata ni nzuri kabisa kwani hakuna matukio ya kuhatarisha usalama. Aidha kila Kijiji kina Kamati ya Ulinzi na Usalama ambavyo vinafanya kazi usiku na mchana vilevile kuna kituo cha police kata ya jirani ya Madibira ambapo sambamba na majukumu mengine huhakikisha ulinzi na usalama wa wananchi na mali zao.

2. HUDUMA ZA KIJAMII ZINAZOTOLEWA PAMOJA NA FURSA ZILIZOPO

 A. ELIMU

Kata ya Miyombweni ina Jumla walimu 39, shule za Msingi tano (5) na Shule moja ya Sekondari

 i. ELIMU MSINGI

• Shule ya Msingi Mlungu
• Shule ya Msingi Nyakazombe
• Shule ya Msingi Miyombeni
• Shule ya Msingi Mapogoro
• Shule ya Msingi Mlungu B.

 ii. ELIMU SEKONDARI

Kuna shule ya sekondari  Miyombweni

B. AFYA

Kata ya Miyombweni ina watumishi 8 wa idara ya afya, zahanati 3 kijiji cha Mlungu, Kijiji cha Nyakazombe na Kijiji cha Mapogoro kati ya Vijiji 5 vilivyopo, lakini kuna kituo cha afya 1 katika kata ya Jirani ya Madibira ambacho kinatoa msaada kwa wananchi.

C. KILIMO, UMWAGILIAJI NA USHIRIKA

Kata ya Miyombweni ina jumla ya watumishi 3 idara ya kilimo, Umwagiliaji na ushirika, na ina jumla ya wakulima 2066. Mazao yanayopatikana katika kata hii ni pamoja na mpunga, mahindi, Alizeti, karanga, Kunde na mihogo.

Huduma zinazotolewa na Wataalam wa Kilimo ni ;

• Huduma za ugani
• Mashamba darasa juu ya Kilimo cha Kisasa
• Hifadhi bora ya Mazao ya Chakula
• Elimu juu ya ushirika
• Ukaguzi wa vyama vya ushirika pamoja na ushauri wa namna ya kuviendesha na kuvisimamia
• Kutatua Migogoro ya Wakulima na Wafugaji
• Elimu ya masoko na stakabadhi ghalani
• Ushauri juu ya matumizi sahihi ya maji
• Ushauri juu ya matumizi sahihi ya zana za Kilimo na pembejeo
• Ushauri juu ya Kilimo bora cha Mazao
• Kukusanya takweimu za Mvua
• Kuandaa na kutoa taarifa ya Utekelezaji ya kila robo mwaka na kuwasilisha wilayani.
• Kuandaa na kutoa taarifa ya Utekelezaji wa Maendeleo ya Kilimo katika Kamati ya Maendeleo ya kata.

D. MIFUGO NA UVUVI

Kata ya Miyombweni ina jumla 2 ya watumishi  wa idara ya mifugo na Uvuvi, wafugaji 368 na ina jumla ya mifugo aina nya Ng’ombe 12,932

Magonjwa yanayosumbua mifugo mara kwa mara ni kama homa ya mapafu, foot and mouth diseases, anthrax,

Huduma zinazotolewa na Idara ni pamoja na;

• Tiba kwa magonjwa dhidi ya Mifugo
• Huduma mbalimbali za Mifugo kama kuhasi, kukata pembe, kwato na midomo, kupiga chapa Mifugo, kukata meno, kuzalisha, kuogesha na Ukaguzi wa nyama
• Ushauri juu ya ujenzi bora wa mabanda ya Mifugo
• Kutoa elimu ya ufugaji bora wa namna ya ufugaji wa Mifugo yenye tija
• Ukaguzi wa Nyama na usafi katika Machinjio
• Kusimamia zoezi Endelevu la upigaji chapa wa mifugo

Sekta ya Uvuvi ni mojawapo ya sekta zinazofanya kazi katika kata hii. Idara inaendelea kushauri wananchi juu ya uchimbaji bora wa mabwaya ya samaki kwa ajili ya ufugaji wenye tija.

E. MALIASILI

Kata ya Miyombweni ina mtumishi mmoja wa maliasili mpaka sasa, na ina uhifadhi wa misitu katika kijiji cha Miyombweni na Kijiji cha Nyakazombe na ina uhifadhi mazingira na misitu kwa kusimamiwa na kamati za mazingira za vijiji.

 i.Vivutio vya Utalii

• Misitu ya asili,
• Hifadhi ya Taifa ya Ruaha

 ii. Hifadhi ya Misitu

Kata ya Miyombweni inaendelea kuhamasisha wananchi juu ya ulinzi na utunzai wa hifadhi kwa kushirikiana na Wakala wa Misitu Tanzania (TFS) katika Vijiji vilivyopakana na hifadhi hizo, kupanda miti, kuzuia uharibifu wa mazingira kwa kuchoma mkaa na kukata miti hovyo bila ya kuipanda upya, pamoja na kutoa ushauri wa kitaalamu juu ya uoteshaji na upandaji miti.

 ii. Mikakati ya uhifadhi wa mazingira pamoja na faida inayopatikana kutokana na uhifadhi huo. 

Kata inaendelea kutoa hamasa kwa wananchi pamoja na taasisi kuhusiana na kuendelea kulinda mazingira hasa maeneo ya misituasili na vyanzo vya maji kwa matumizi Endelevu, kuendelea kushauri kutengwa kwa Bajeti kwa ajili ya uoteshaji na upandaji wa miti katika Vijiji

F. MAENDELEO YA JAMII

Kata ya Miyombweni haina watumishi wa Idara ya Maendeleo ya Jamii mpaka sasa, huduma zinazotolewa na kata ni kama ifuatavyo;

• Uandikishaji wa vyeti vya kuzaliwa kwa watoto chini ya miaka 5
• Elimu ya ulinzi na usalama wa mtoto
• Elimu ya kupinga ukatili kwa akina mama na watoto
• Kutetea haki za wazee, watoto na jamii kwa ujumla
• Kuhamasisha wananchi kujiunga na bima ya afya
• Kuhamasisha wazazi kupeleka watoto shuleni
• Kufuatilia shughuli za kiuchumi zinazofanywa na wanufaika wa Tasaf
• Kufuatilia Utekelezaji wa Kamati za ukimwi vijijni (VMAC)
• Kuhamasisha Wanawake, Vijana na Walemavu juu ya shughuli mbalimbali za ujasiliamali
• Kuhamasisha shughuli za Maendeleo kwenye mikutano na vikundi
• Kusimamia shughuli mbalimbali za Maendeleo vijijini.