Baraza la Madiwani Lapitisha Bajeti Bilion 39.3

Tarehe ya Kuanza: January 29th, 2019

Baraza la Madiwani la Halmashauri ya Wilaya ya Mbarali, limepitia na kupitisha mapendekezo ya mpango wa Bajeti kiasi cha tshs 39,343,914,585.49 kwa mwaka wa fedha 2019/2020 kutoka vyanzo mbalimbali vya Mapato siku ya tarehe 29/01/2019.

Mapato kutoka Serikali Kuu na Wadau wa Maendeleo ni tshs 35,230,064,585.49 Mapato kutoka vyanzo vya ndani ni tshs 4,113,850,000.00. 

Kati ya fedha hizo, kiasi cha tshs 28,441,960,660.00 ni Mishahara, tshs 5,005,592,925.49 ni matumizi ya kawaida na tshs 5,896,361,000.00 kwa ajili ya Miradi ya Maendeleo.

Mpango wa Miaka Mitatu na Makisio ya Bajeti kwa mwaka wa fedha 2019/2020 umeandaliwa kwa kuzingatia, Mwongozo wa Maandalizi ya Bajeti ya mwaka 2019/2020 uliotolewa na Wizara ya Fedha na Mipango.

Vipaumbele vya Serikali ya awamu ya tano, Maagizo ya Viongozi wa Kitaifa, Mpango wa Maendeleo wa miaka mitano 2016/2017- 2020/2021, Mpango Mkakati wa Ofisi ya Rais, Tawala za Mikoa na Serikali za Mitaa (OR- TAMISEMI), Mpango Mkakati wa Halmashauri wa mwaka 2018/2019- mwaka 2022/2023  Mpango Mkakati wa Lishe wa Taifa wa Mwaka 2016/2017- 2020/2021, Sheria ya Bajeti Na. 11 ya mwaka 2015 na Kanuni zake,

Ilani ya Uchaguzi ya CCM ya mwaka 2015, Dira ya Maendeleo ya mwaka 2025, Mpango wa Maendeleo Endelevu 2030, Mapitio ya Utekelezaji wa Bajeti ya mwaka 2018/2019, Vipaumbele vya wananchi wa Wilaya ya Mbarali kupitia Mfumo ulioboreshwa wa Fursa na Vikwazo kwa Maendeleo (Improved Opportunities and Obstacles to Development- O&OD)

Halmashauri ya Wilaya ya Mbarali katika Bajeti yake ya mwaka 2019/2020 itajikita katika Kuwezesha uchaguzi wa Serikali za Mitaa 2019, Ujenzi/Ukamilishaji wa zahanati katika Vijiji, Ujenzi/Ukamilishaji wa Vituo vya Afya katika Kata, Ujenzi/Ukamilishaji wa vyumba vya madarasa katika Shule za Msingi na Sekondari, Kuwezesha upatikanaji wa Madawati kwa Shule za Msingi na Sekondari,

Kuboresha miundombinu ya katika Sekta ya Kilimo, Mifugo, Afya na Elimu, Kuboresha Lishe kwa watoto, Ulipaji wa madeni mbalimbali, Kuendelea kupambana na Maambukizi ya VVU/UKIMWI, Kuhamasisha wananchi kushiriki kikamilifu katika Uchumi wa Viwanda, Kukabiliana na Mabadiliko ya Tabia ya Nchi (Climate Change) pamoja na kutambua jitihada za Jamii katika Kukabiliana na Mabadiliko hayo,

Kuimarisha ukusanyaji wa mapato ya Halmashauri kwa kuboresha vyanzo vya mapato vilivyopo pamoja na kubuni vyanzo vipya, Kuboresha miundombinu ya kijamii na kiuchumi hususani katika sekta ya elimu, maji, afya, kilimo, mifugo, uvuvi na barabara kwa kuzingatia ubora wa kitaifa.

Kwa kipindi cha mwaka wa fedha 2018/2019 Halmashauri ya Wilaya ya Mbarali iliidhinisha Matumizi ya kiasi cha tsh 50,144,125,368.98 kati ya hizo tshs 45,232,773,368.93 ni Mapato kutoka Serikali Kuu na wadau wa maendeleo, tshs 4,911,352,000.00. ni mapato kutoka vyanzo vya ndani.

Kati ya fedha hizo, kiasi cha tshs ni Mishahara, tshs 10,246,289,619.52 kwa ajili ya Miradi ya Maendeleo na tshs 5,996,942,749.46 ni matumizi ya kawaida.

kati ya Fedha hizo, kiasi cha tshs 33,900,893,000.00 ni mishahara, tshs 10,246,289,619.52 kwa ajili ya miradi ya maendeleo na tshs 5,996,942,749.46 ni Matumizi ya kawaida.

Hadi kufikia Disemba, 2018 jumla ya tshs 17,975,140,140.01 zilipokelewa, sawa na asilimia 14.13 ya fedha zilizoidhinishwa 2018/2019.

Daudi B. Nyingo

Afisa Habari

Halmashauri ya Wilaya ya Mbarali

29/01/2019