DC MBARALI AFANYA MKUTANO WA KUSIKILIZA NA KUTATUA KERO ZA WANANCHI WA KATA! AMSHUKURU MHESHIMIWA RAISI DKT.SAMIA SULUHU HASSAN KWA KUENDELEA KULETA MAENDELEO MBARALI. SULUHU HASSAN

Tarehe ya Kuanza: March 3rd, 2025

Mheshimiwa Mkuu wa Wilaya ya Mbarali Kanali Maulid Hassan Surumbu akiwa na Kamati ya Ulinzi na Usalama siku ya leo Machi 3, 2025 amefanya Mkutano wa kusikiliza na kutatua kero za wananchi wa Kata ya Ubaruku huku akisisitiza kwa yeyote ambaye atakuwa na kero ama hajaridhika na ufafanuzi uliotolewa na Wakuu wa Idara wa Halmshauri ya Wilaya ya Mbarali pamoja na Viongozi ambao kero ziliwahusu, basi watakuwa na nafasi ya kufika katika Ofisi yake siku ya Alhamisi kila Wiki. 

Mwenyekiti wa Kamati ya Ulinzi na Usalama ambaye pia ni Mkuu wa Wilaya ya Mbarali, Mhe Kanali Maulid Hassan Surumbu, ametoa maelekezo kwa Mkurugenzi  Mtendaji wa Halmashauri ya Wilaya ya Mbarali ndani ya siku 14  ahakikishe Mkaguzi wa Ndani wa Halmashauri amekagua  matumizi ya Fedha katika Ujenzi wa Bweni la watoto wenye Mahitaji maalumu  Shule ya Msingi Igomelo Kata ya Lugelele Wilaya ya Mbarali. Aidha, Mheshimiwa Maulid amemwagiza Mkuu wa  TAKUKURU Mbarali kuchunguza utaratibu wa Fedha zilivyotumika katika Ujenzi wa Bweni hilo ndani ya siku 14. 

"Kamati ya Usalama ya Wilaya ya Mbarali inatoa maelekezo kwa Mkurugenzi; Kwanza Mkaguzi wa Ndani akague Matumizi ya Fedha yaliyotumikq kwenye ujenzi wa Jengo hili na ripoti yake ikamilike ndani ya siku 14. Pia namwagiza Mkuu wa  TAKUKURU Wilaya, naye aje achunguze utaratibu uliotumika katika Ujenzi huu kuanzia mwanzo mpaka mwisho tujue matumizi ya fedha yamekwendaje na ndani ya siku 14 aweze kuwasilisha taarifa ili yeyote ambaye ametenda kinyume na majukumu yake aweze kuwajibishwa"

Mheshimiwa Maulid ameyasema hayo mapema hii leo tarehe 03.03.2025 wakati Kamati ya Ulinzi na Usalama ikifanya Ziara ya kukagua Miradi ya Maendeleo inayotekelezwa katika Halmashauri ya Wilaya ya Mbarali

Aidha Kamati hiyo imesifia na kupongeza usimamizi wa Mradi wa Ujenzi wa vyumba Viwili vya madarasa  katika shule ya Msingi Majengo iliyopo Kata ya Ubaruku kijiji cha Majengo. Hata hivyo Kamati iliendelea na Ziara kwa kutembelea Viwanda vya Kuchakata Mpunga katika eneo la Viwandani Kata ya Ubarukuna kujionea namna shughuli zinavyoendeshwa katika viwanda hivyo.  

Mradi huo wa Viwanda umezalisha  Ajira zaidi ya 1500 kwa Vijana wa  Mbarali ambao wanafanya kazi katika Viwanda hivyo na kujipatia kipato ili kujikimu katika maisha. Hata hivyo  Umoja wa Wenye Viwanda Ubaruku wameibua Changamoto ya kukosa masoko ya uhakika pamoja na Miundombinu ya Barabara kuwa ya kupitika kwa msimu. Nao Wakuu wa Idara wa Halmshauri ya Wilaya ya Mbarali wameahidi kutatua Changamoto hiyo. Aidha Mheshimiwa Maulid amesema unapotafuta soko ni lazima kuwa na uzalishaji wa uhakika na sio kutafuta soko halafu baadae unakosa mazao ya kuwauzia wale ulioahidi kuwapelekea bidhaa yako.

"Inawezekana majibu ya leo pengine hayakujibu hitaji la kila mmoja mmoja, kwahiyo nikumbushe kwamba tuna siku za kupokea kero, Jumatatatu Ofisi ya Mwenyekiti wa Kijiji,  Jumanne Kata, Jumatano kwenye Ofisi ya Tarafa (Tarafa ya Rujewa na Tarafa ya Ilongo) na ile itakayoshindikana Alhamisi ndio siku yenu maalumu ya kuja kumuona Mkuu wa Wilaya na kutoa Kero zenu na tutazishughulikia kwa wakati"

"Nipende kuchukua fursa hii kwaniaba yenu kumshukuru sana Raisi wa Jamhuri ya Muungano wa Tanzania Daktari Samia Suluhu Hassan kwa kuendelea kuihudumia Wilaya yetu ya Mbarali  katika maeneo mbalimba ya Miradi ya Kimaendeleo na ile ya Kiuchumi"Aliongeza Kanali Maulid Surumbu.