DED MPYA AWASILI MBARALI

Tarehe ya Kuanza: June 30th, 2025

DED MPYA AWASILI MBARALI

Mkurugenzi Mtendaji mpya wa Wilaya ya Mbarali amewasili na kufanya kikao na watumishi wote waliopo makao makuu ya Halmashauri ya Wilaya ya Mbarali na kuwataka kutimiza majukumu yao ipasavyo na kuwaahidi ushirikiano wa kutosha kutoka kwake

Akizungumza na watumishi hao Ndugu Raymond Mweli ambaye ni Mkurugenzi mpya wa wilaya hii amesema " Dhamira kuu ya utumishi wa umma ni kuwatumikia wananchi na hilo halitawezekana bila ushirikiano baina ya Mkurugenzi na watumishi wote  katika utumishi wangu nitahakikisha kuna maelewano na kusikilizana baina yetu"

"Kwangu kipaumbele changu kikubwa kitakua ni utaalamu na sio  vyeo nitajitahidi sana kufikika na kila mtumishi bila kujali cheo chake bali utaalamu wake "

Aidha Mkurugenzi huyo ameipongeza Halmashauri hiyo kwa ukusanyaji mkubwa wa mapato ya Serikali na pia kuahidi kutibu vidonda vyote ambavyo wanavyo wana mbarali

Kwa upande wao watumishi wa Wilaya ya Mbarali wamemkaribisha Mkurugenzi huyo na kuahidi kumpa ushirikiano wao pia wamependekeza kuwapatia kipaumbele cha ajira  watumishi wanao jitolea kwenye Idara mbali mbali wilayani hapo

Ikumbukwe kuwa ndugu Raymond Mweli kabla ya kuwa Mkurgenzi wa Wilaya ya Mbarali alikua akihudumu kama Katibu Tawala wa Wilaya ya Kaliua Mkoani Tabora