GODIGODI AUKWAA UENYEKITI MJI MDOGO RUJEWA

Tarehe ya Kuanza: August 1st, 2018

WAJUMBE wa Mamlaka Mji mdogo Rujewa Wilayani Mbarali ,wamemchagua ,Chameta Godigodi wa chama cha mapinduzi (CCM) kuwa Mwenyekiti wa Mamlaka hiyo kwa kupata kura (75) baada ya kumshinda mpinzani wake wa chama cha demokrasia na maendeleo (Chadema ), Asheri Mgowole aliyepata kura (21 ).

Uchaguzi huo umefanyika baada ya aliyekuwa Mwenyekiti wa Mamlaka hiyo , Ayoub Chaula kufariki mwaka huu baada ya kuugua.

Akitangaza matokeo ya uchaguzi huo jana katika ukumbi wa kanisa la Rutherani Msimamizi wa uchaguzi huo, Katibu Tawala Wilaya ya Mbarali ,Ezekieh Kilemile alisema katika uchaguzi kulikuwa na wapiga kura 109 lakini waliopiga kura ni 101 ambapo wapiga kura nane hawakupiga na kura kumi ziliharibika.

Msimamizi huyo wa uchaguzi alisema Chameta Godigodi ambaye alikuwa mgombea wa chama cha mapinduzi alipata kura 75 huku mpinzani wake wa chama cha demokrasia na maendeleo Chadema akiambulia kura 21.

Aidha Kilemile alisema kwa upande wa nafasi ya makamu Mwenyekiti kulikuwa na wagombea wawili ambao ni Elly Kimilika (CCM)aliyepata kura (75) na Elayi Mgeni aliyeambulia kura (19)wa chama cha demokrasia na maendeleo (Chadema).

“Kulikuwa na jumla ya wapiga kura 109 lakini waliopiga kura ni 100 na ambao hawakupiga ni tisa “alisema.

Akielezea zaidi kuhusu uchaguzi huo , Kilemile alisema kuwa uchaguzi wa makamu Mwenyekiti na Mwenyekiti husimamiwa na Katibu Tawala wa Wilaya ya mbarali na kwamba nafasi ya makamu mwenyekiti uchaguzi wake hufanyika kila baada ya mwaka mmoja lakini kwa upande wa mwenyekiti ni baada ya miaka mitatu ndo hufanyika uchaguzi.

Akizungumza baada ya kutangazwa mshindi ,Mwenyekiti mpya wa mamlaka Chameta Godigodi ambaye kabla ya uchaguzi huo alikuwa akishikilia nafasi ya makamu Mwenyekiti kwa kipindi chote alisema atahakikisha mamlaka inasimamia vema shughuli zote za maendeleo ikiwa ni pamoja na ujenzi wa vyumba vya madarasa ambavyo havijakamilika kwa kushirikiana na wenyeviti wa vitongoji waliompa mamlaka ya kuongoza .

“Ili mamlaka iweze kusonga mbele nitahakikisha nakuwa karibu na wenyeviti wa vitongoji wote bila kujali itikadi za vyama vyetu ,katika suala la maendeleo suala la uvyama linakaa kando ili kuweza kuwasaidia wananchi katika kuwaletea maendeleo”alisema Mwenyekiti huyo.

 Kwa upande wake Mbunge wa Jimbo la Mbarali , Haroon Pirmohamed atashiriiana na uongozi uliochaguliwa pamoja na kuwataka wajumbe wa kamati ya uchumi kutembelea kampuni ya Mbarali Estate na Magereza kwa lengo la kujifunza