KAMPENI YA 27 YA KIJANI MBARALI

Tarehe ya Kuanza: September 26th, 2025

DED MBARALI AONGOZA ZOEZI LA UPANDAJI MITI RUJEWA SEKONDARI

Katika kuadhimisha kampeni ya 27 ya kijani yenye lengo la kuhamasisha upandaji miti kote nchini Mkurugenzi Mtendaji wa Halmashauri ya Wilaya ya Mbarali Ndugu Raymond Mweli ameongoza zoezi la upandaji miti kwenye shule ya sekondari Rujewa Wilayani Mbarali

Aidha Mkurugenzi Mweli amewaongoza wanafunzi , waalimu na Ma afisa mazingira na misitu kupanda miti zaidi ya Mia moja kwenye shule hiyo yenye lengo la kutunza mazingira na kupunguza ukame Katika wilaya hii ya Mbarali

akizungumza na vyombo vya habari Ndugu Mweli amesema "Katika wilaya yetu ya Mbarali tunatarajia kupanda miti zaidi ya Milioni moja na nusu na kuanzia hapa tumepanda miti zaidi ya mia moja lakini kimsingi zoezi hili litakuwa ni zoezi endelevu na tutalifanya kuwa shirikishi baina ya Halmashauri na wananchi wetu , wanafunzi wa shule za msingi na sekondari tunaamini katika kupanda miti   tutatunza mazingira na kuimarisha Afya zetu "

Sanjari na hilo Afisa misitu wa Wilaya ya Mbarali ndugu Patrick amewataka wananchi kupanda miti kwenye maeneo yao ili kuunga mkono kampeni hii na kutunza mazingira yetu na ameagiza kila mwananchi kupanda miti isiyopungua mitano kwenye makazi yake ili kuleta Tanzania ya kijani

Kwa upande wao wanafunzi na Waalimu wa shule hiyo wamemshukuru Mkurugenzi Mtendaji wa Halmashauri ya Wilaya ya Mbarali kwa kuwaletea miti kwenye shule yao na wame ahidi kuendelea kuitunza kwa manufaa ya sasa na ya baadae .