KILICHOJIRI KWENYE MKUTANO WA MKUU WA MKOA WA MBEYA MHE. ALBELT CHALAMILA NA WANANCHI WA WILIYA YA MBARALI TAREHE 04/09/2018 KATIKA KATA YA UTENGULE USANGU

Tarehe ya Kuanza: September 5th, 2018

Nawapongeza kwa umoja na heshima mlioionyesha kwa viongozi wa Serikali hasa katika kuhakikisha Kituo cha Afya cha Utengule Usangu kinakamilika. Mkuu wa Mkoa wa Mbeya

Kituo hiki cha afya kitakuwa kama kituo cha rufaa kwa kata na vijiji vya jirani vinavyoizunguka kata hii. Mkuu wa Mkoa wa Mbeya

Pamoja na Serikali kutoa pesa za uboreshaji wa kituo cha afya nimeambiwa kuwa wananchi wa Utengule Usangu mmejitoa katika kuchangia ujenzi wa kituo hiki. Mkuu wa Mkoa wa Mbeya

Mnapaswa kuwa walinzi wakubwa wa miundombinu ya kituo cha afya maana kuna watu wachache wanapanga mipango ya kuiba miundombinu hiyo. Mkuu wa Mkoa wa Mbeya

Nimeona mavumbi ya kwenye kituo chetu cha afya, nimemuagiza Mkuu wa Wilaya awasiliane na wakala wa barabara (TANROAD)  ili waje waweke kifusi, pamoja na uwekaji wa kifusi, upandaji wa miti uendelee. Mkuu wa Mkoa wa Mbeya

Nimezunguka Tanzania nzima, sijawahi kuona Mbunge mwenye kasi ya maendeleo kama Mbunge wa Jimbo la Mbarali. Mkuu wa Mkoa wa Mbeya

Watendaji wote kuanzia ngazi ya Wilaya, kata hadi vijijini simamieni kufanyika kwa mikutano ya ufafanuzi wa vitu vya msingi kwa wananchi wote. Mkuu wa Mkoa wa Mbeya

Mkoa wetu upo vibaya kwenye suala la lishe, nawaomba akina mama na akina baba mzingatie lishe za watoto wetu. Mkuu wa Mkoa wa Mbeya

Watendaji wa Kata na Vijiji naomba mpango kazi maalumu wa kuhakikisha kila kaya ina choo bora, choo bora ni kile ambacho hakiwezi kusababisha maradhi katika jamii yetu. Mkuu wa Mkoa wa Mbeya

Maendeleo ya Wanautengule Usangu yatafanywa na wanautengule usangu wenyewe. Mkuu wa Mkoa wa Mbeya

Kazi iliyofanyika kwenye kituo cha afya ni nzuri na ni kubwa mno, nawapongeza wananchi wenzangu wa Utengule Usangu kwa kujitoa kuchangia ujenzi wa kituo hiki nami naahidi kuchangia kiasi cha shilingi milion 5. Mbunge wa Jimbo la Mbarali

Naiomba ofisi ya Mkuu wa Wilaya na Mkurugenzi kama itatokea ujenzi mwingine wa majengo ya SerikaLi, tutumie mfumo kama huu uliotumika katika ujenzi wa kituo cha afya utengule usangu. Mbunge wa Jimbo la Mbarali

Nitaendelea kushirikiana na wananchi wenzangu hasa kwenye maswala ya upatikanaji wa maji, nitaendelea kuchimba visima vya maji kwa wingi, kwa sasa nimeagiza gari maalumu nje ya nchi la kuchimba visima, kwa hiyo nipo nanyi siku zote kwa maendeleo yetu. Mbunge wa Jimbo la Mbarali