KILICHOJIRI MKUTANO WA MKUU WA MKOA WA MBEYA MHE. ALBELT CHALAMILA NA WATUMISHI WA UMMA WILIYA YA MBARALI TAREHE 03/09/2018

Tarehe ya Kuanza: September 4th, 2018

Ajenda ya Serikali ni moja tu, kuwaletea wananchi wake maendeleo, viashiria vya maendeleo vipo ambavyo yeyote anaweza kuviona. Mkuu wa Mkoa

Nimeteuliwa kuwa Mkuu wa Mkoa wa Mbeya, lazima niakikishe tunasaidiana kusukuma mbele maendeleo na kila mmoja atimize jukumu lake alilopewa na sitegemei kama kuna mtumishi hajui kanuni na misingi ya utumishi wa umma. Mkuu wa Mkoa

Tuendelee kuwa na umoja na mshikamano kwa Serikali, Viongozi na Wananchi. Isitokee mtumishi wa aina yetu kukuvunjia heshima na kukosa adabu kwa mtumishi wa kawaida, viongozi wamepewa jukumu la kusimamia sheria na taratibu. Mkuu wa Mkoa

Kama unalalamiko kwa kiongozi wako lipeleke kwa Mkuu wa Wilaya kwa utaratibu maalumu, usibaki unalalamikia huko pembeni. Mkuu wa Mkoa

Serikali pamoja na changamoto zake nyingi zilizopo, Mtumishi wa Umma kuiadhibu Serikali ni upuuzi mkubwa. unapokuwa Mtumishi wa Umaa jua ndani yake kuna misingi na taratibu zake. Mkuu wa Mkoa

Mtumishi wa Umma sio mpinzani wa Serikali bali ni mshauri nambali moja wa Serikali. Mkuu wa Mkoa

Demokrasia ni lazima idhibitiwe, lazima iwe na mipaka ya utamaduni, kisiasa, kijamii na kiuchumi. Ndani ya hiyo mipaka ndio kuna neno demekrasia. Mkuu wa Mkoa

Watumishi wa umma tusijiingize kwenye malumbano ya kisiasa yanayoua mwelekeo wa siasa ya Watanzania pamoja na kuwapotosha Wananchi wetu kwasababu wewe unajua mambo mengi ya Serikali. Mkuu wa Mkoa

Tuendelee kuwa mabalozi wa kutafsiri agenda za kitaifa. Mkuu wa Mkoa

Kila mtumishi ajipime asiwe karaha kwenye familia yake, bali awe furaha kwenye familia. Unapokuwa na furaha kwenye familia unamsaidia kiongozi wako kuwa na mtumishi anayeweza kufanya kazi zake bila ya kuwa na kinyongo cha aina yoyote. Mkuu wa Mkoa

Rais amenituma nije niwaunganishe Wananchi wa Mbeya bila kuangalia itikadi za vyama. Mkuu wa Mkoa

Lengo la ziara ya mkuu wa mkoa mpya ni kwa ajili ya kujitambulisha, kuongea na watumishi wa umma pamoja na wananchi katika maeneo yao. Katibu Tawala Mkoa wa Mbeya

Kufanya vizuri kwa watumishi ndio kufanya vizuri kwa Mkuu wa Mkoa. Katibu Tawala Mkoa wa Mbeya

Nakushukuru kwa maelekezo yako ya kazi ya msititizo na ninaamini kila mmoja wetu amesikia, kilichobaki ni kwenda kuyatekeleza. Mkuu wa Wilaya ya Mbarali