Kufika mwaka 2020 kila Kijiji kitakuwa na Zahanati na kila kata itakuwa na kituo cha Afya- Mfune

Tarehe ya Kuanza: May 13th, 2019

Hayo yamesemwa na Mkuu wa Wilaya ya Mbarali Mhe. Reuben Mfune siku ya tarehe 12/05/2019 kwenye maadhimisho ya siku ya Wauguzi Duniani iliyofanyika kiwilaya katika ukumbi wa Polisi uliopo Kata Rujewa wilayani hapa.

Mhe. Mfune alisema kuwa katika kuboresha utoaji huduma ya Kada ya afya, atahakikisha kufikia mwaka 2020 kila kijiji kitakuwa na zahanati na kila kata itatakiwa kuwa na kituo chake cha afya, na katika kampeni hiyo ataendelea kuhimiza ujenzi wa nyumba za watumishi wa Sekta ya Hiyo.

Sambamba na hilo amewataka Wauguzi wote wa Wilaya Mbarali kufanya kazi ambayo haitaleta manung’uniko au migongano kwa wateja wanaowahudumia, kwani  wauguzi wana kazi kubwa sana. Kila sehemu zinakotolewa huduma za afya, Wauguzi ndio wengi kuliko kada  nyingine zote.

“Nawapongeza Wauguzi kwa utendaji kazi wenu mzuri kwani kwa kipindi cha miaka mitatu niliyofanya kazi  hapa Mbarali sijapoke malalamiko makubwa  yanayowahusu Muuguzi,  endeleeni kusaidia wagonjwa kwa vipaji mlivyopewa na Mwenyezi Mungu kupitia mafunzo mliyoyapata. Kila mmoja wenu aone kila siku ni siku ya kujifunza kutokana na teknolojia inavyobadilika.”

Sambamba na hilo Mhe. Mfune amewataka Wauguzi wote kufanya kazi kwa bidii na kufuata maadili ya kazi za uuguzi na amemtaka  Mganga Mkuu wa Hospitali ya Wilaya  kuwaangalia wauguzi kwa jicho la kipekee na kutenda haki kwa kila anaestahili na kutoa pongezi kwa kila anaestahili pongezi.

Wakiongea katika Risala yao Wauguzi walibainisha baadhi ya changamoto wanazokutananazo zikiwemo, kutopandishwa vyeo kwa wakati, kutolipwa  malimbikizo ya nyongeza ya mishahara, uhaba wa  Maafisa Tabibu, uhaba wa nyumba za watumishi, upungufu wa wauguzi katika vituo vya kutolea huduma pamoja na baadhi ya wazazi kuchelewa kufika vituoni wakati wa kujifungua, hali inayopelekea baadhi yao  kujifungulia   njiani   na kusababisha vifo vitokanavyo na uzazi.            

Naye Mganga Mkuu wa Hospitali ya Wilaya ya Mbarali Dr. Godfrey Mwakalila amewataka Wauguzi kutekeleza wajibu wao vizuri kwa wagonjwa wanaowahudumia kwani wasipotekeleza, daktali hawezi kumuhudumia vizuri mgonjwa. 

Siku ya wauguzi huadhimishwa kila mwaka tarehe 12/5 kwa kumbukumbu ya  Muuguzi BI, FRORENCE NIGHT NGALE ambaye alizaliwa huko Italia  tarehe  12/05/1820 akiwa ni mtoto aliyetokea katika familia ya  kitajiri lakini aliyejaliwa kuwa na moyo wa huruma na wito katika swala zima la huduma kwa wagonjwa.

Mnamo mwaka 1833 ilipotokea vita kati ya Waingereza na Warusi, Muuguzi huyo alipata huruma kuwaona askari waliojeruhiwa wakiwa wameachwa bila msaada wowote na yeye alijitoa mhanga kuwahudumia majeruhi hao kwa kuwafunga vidondo vyao.

Nyakati hizo hapakuwepo na mwanga wa umeme au taa maeneo hayo. Lakini alitumia vibatari na kufanikiwa kutoa huduma vizuri na majeruhi walipona.

Kauli mbiu ya mwaka huu katika maadhimisho ya sherehe  ni WAUGUZI NI MBIU INAYOONGOZA AFYA KWA WOTE

MWISHO