Mbarali yazidi kupata hati safi inayoridhisha kwa miaka 3 mfululizo

Tarehe ya Kuanza: July 4th, 2019

Halmashauri ya Wilaya ya Mbarali Mkoani Mbeya, imeendelea kupata Hati safi inayoridhisha kwa kipindi cha miaka 3 mfululizo tangu mwaka fedha wa Serikali 2015/2016, 2016/2017 na 2017/2018.

Hayo yamesemwa na Mkuu wa Mkoa wa Mbeya, Mhe. Albert Chalamila kwenye kikao maalumu cha  kujadili majibu ya hoja na utekelezaji wa mapendekezo ya Mdhibiti na Mkaguzi Mkuu wa Hesabu za Serikali (CAG) kwa mwaka wa fedha 2017/2018 na hoja za miaka ya nyuma na ili  kuona mapungufu yaliyopo, tulipo na wapi tunaweza kujirekebisha kwenda mbele kwa ajili ya kaguzi zijazo.

“Nawapongeza kwa mafanikio ya kuotoka mwenye hati mbaya na hati zenye mashaka na sasa mpo kwenye hati safi zinazoridhisha. Ushirikiano kati ya Madiwani na Wataalamu ndio nguvu ya Halmashauri, kila mtu anamapungufu yake, tusaidiane mapungufu hayo yawe ya kibinadamu zaidi ili tusiikwamishe Halmashauri.”

Katika kikao hicho Mhe. Chalamila aliipongeza Halmshauri ya Wilaya ya Mbarali kwa kukusanya kiasi cha tsh. bilioni 4.0 kati ya tsh. bilioni 4.7 walizojiwekea malengo kufikia juni mwaka huu 2019 pamoja na kufanikiwa kufikia asilimia 85 ya makusanyo yake ya ndani.

Aliongeza kuwa kusingekuwa na changamoto ya marekebisho ya sheria tungekusanya zaidi kwani ni bora ukawa wa mwisho kwenye ubora kuliko ukawa wa kwanza kwenye vibonde.

“Lazima muweke kipaumbele kama Halmashauri, mkikusanya billion 4 angalau muwe na kitu hata cha bilioni 1 au milioni 800 mnachoweza kukionesha kwa ukumbusho wa makusanyo ya mwaka furani, lakina kama pesa zote zitapotea katika vitu ambavyo havionekani vizuri hata kama mmefanya vitu vya kisheria mnakuwa bado hamjaacha alama.”

“Mnaweza mkaweka malengo ya miaka miwili au mitatu kukamilisja miradi ambayo mnazani mkiondoka mnaweza kuionyesha kwa wananchi. Tusiishie tu kwenye makusanyo lakini twende kwenye nidhamu ya matumizi pamoja na kupanga vipaumbele vizuri kwa ajili ya vizazi vijavyo.” Alisema.

Mwenyekiti wa Halmashauri ya Wilaya ya Mbarali Mhe. Francis Mtega amemhakikishia Mkuu wa Mkoa wa Mbeya Mhe. Alabert Chalamila kuendeleza ushirikiano uliopo kati ya wataalamu na Waheshimiwa Madiwani paomja kuhakikisha wanazisiamamia vizuri mali zote za Halmashauri ili ziwe salama.

Naye Mkurugenzi Mtendaji wa Halmashauri ya Wilaya ya Mbarali Ndg. Kivuma H. Msangi ameishukuru ofisi ya CAG kwa ushirikiano mzuri wanaoutoa  kwani ukaguzi wa kipindi hiki umekuwa wa kushirikiana.

Kuhusiana na suala ya makusanyo Msangi alisema kuwa makusanyo yote ya Halmashauri kwa sasa yamepelekwa kwenye ngazi ya kata na kuyaondoa kwenye ngazi ya kanda. Ushuru wa gunia la mpunga limeshuka kutoka kiasi cha sh 2,000 hadi kiasi cha shilingi 1,000 na kwa upande wa mchele imeendelea kubaki kiasi cha tsh 2,000 kama ilivyokuwa awali.

Waheshimiwa Madiwani wamemshukuru Mkuu wa Mkoa pamoja na Mdhibiti na Mkaguzi Mkuu wa Hesabu za Serikali (CAG) kwa kuwaongoza katika kusimamia kupunguza hoja zilizokuwepo na wamewataka Wataalamu wa Halmashauri kuto rudi tulikotoka katika kuzalisha hoja bali waendelee kusonga mbele kutozalisha hoza zisizo za lazima

MWISHO