Tuelimishe Wananchi Umuhimu wa Kuandikisha Watoto Kupata Vyeti vya Kuzaliwa- Mfune

Tarehe ya Kuanza: October 24th, 2018

Hayo yamesemwa na Mkuu wa Wilaya ya Mbarali Mhe. Reuben Mfune siku ya tarehe 24/10/2018 katika muendelezo wa ziara zake kata za Luhanga, Utengule Usangu pamoja na Kongoro kwa ajili ya kufuatilia maagizo aliyoyatoa tarehe 07/09/2018 kwenye kikao alichokiitisha na watendaji wa vijiji, watendaji wa kata pamoja na wenyeviti wa vijiji.

 “Vyeti vya kuzariwa vinatolewa bure kwa watoto wenye umri chni ya miaka 5, tuwaelimishe wananchi umuhimu wa kuandikisha watoto kupata vyeti vya kuzalwa kwani vina faida nyingi kwa siku za usoni, Viongozi wa dini muendelee kuwaelimisha waamini umuhimu wav yeti vya kuzaliwa ”

Akiwa katika ziara hiyo, Mkuu wa Wilaya ameagiza kuwa, wakazi wote wa Wilaya ya Mbarali ambao maeneo yao yapo kwenye GN 28 ya 2008 (tangazo la serikali namba 28 la mwaka 2008) kuto fanya maendeleo ya kudumu ikiwemo kufanya ujenzi  kama shule, zahanati, makazi ya kudumu na mengineyo hadi pale muafaka utakapopatikana.

Kuhusiana na suala la lishe, Mhe Mfune amewataka viongozi wote kuanzia ngazi ya wilaya hadi vitongoji kuendelea kutoa elimu ya lishe kwa wananchi kwa kufuata mfumo wa siku 1000 tangu kuanza kutungwa kwa mimba hadi mtoto atakapofikisha miaka 2 ikiwa ni pamoja na kuelezea madhara ya mtoto kukua na udumavu kwa kukosa lishe kwani mtoto akishazidi miaka miwili ni vigumu keweza kurekebishika kama hakufuata vigezo vya lishe.

Katika ziara hiyo, Mhe Mfune hakufurahishwa na zoezi la ujenzi wa vyoo kwa Kata ya Luhanga kwani kata hiyo ina wakazi wengi ambao hawana vyoo. Wilaya ya mbarali kuna kaya 2000 ambao hawana vyoo, kati yao kaya 737 zinatoka kata ya luhanga ambapo ni sawa na asilimia 31 ya wakazi wote ambao hawana vyoo.

“Magonjwa mengi ya kuambukiza yanasababishwa na sisi kuto kuwa na vyoo, tunafanya vizuri kwenye mambo mengine ila suala la vyoo tunashindwa, tusichukulie poa, nyumba ni choo”

Mhe. Mfune aliagiza watendaji wote pamoja na wenyeviti kuongeza juhudi katika kusimamia ujenzi wa zahanati kwa kila kijiji, ujenzi wa vyumba vya madarasa, masuala ya lishe kwa watoto, uandikishaji wa vyeti vya kuzaliwa kwa watoto wenye umri wa chini ya miaka mitano pamoja na ujenzi wa vyoo bora kwa kila kaya.

MWISHO