Tujenge Tabia ya Kufanya Usafi kwa Faida yetu Sote – Msangi

Tarehe ya Kuanza: April 28th, 2018

Ndg. Kivuma Msangi Mkurugenzi Mtendaji wa Halmashauri ya Wilaya ya Mbarali, ameyasema hayo alipokuwa akishiriki zoezi la kufanya usafi  pamoja na watumishi wa Halmashauri waliojumuika nae siku ya jumamosi ya tarehe 28/04/2018 katika Viwanja vya Ofisi ya Halmashauri ikiwa nimuendelezo wa utekelezaji agizo la Rais wa Jamhuri ya Muungano wa Tanzani Mhe. Dkt. John Pombe Magufuli linalowataka wananchi wote kujumuika kufanya usafi kila jumamosi ya mwisho wa mwezi.

Katika kutekeleza agizo la Mhe. Rais, Msangi amewataka wananchi wote pamoja na watumishi wa Halmashauri  kufanya usafi katika maeneo yao wanayofania kazi, kwenye makazi wanayoishi pamoja na maeneo yote yanayowazunguka ili kujikinga na Magonjwa mbalimbali

“Maagizo nilishayatoa kwa Watendaji wa Kata zote ikiwa kuwakumbusha kuendelea kusimamia zoezi hili endelevu na itakapofika tarehe 07/05/2018 nataka kuona hatua zimechukuliwa kwa wale wote ambao wamekaidi kusafisha maeneo yao” alisema Msangi

Naye Afisa Usafi na Mazingira Ndg Rafael Shitindi ameongeza kuwa, tunapaswa kusafisha mazingira yetu ili kujiepusha na mlipuko wa magonjwa, kujikinga na wadudu hatarishi ambao wanaweza kuleta madhara kwa binadamu pamoja na pamoja na kuweka mazingira yetu katika mandhari ya kuvutia.

Nao baadhi ya watumishi waliohudhuria zoezi hilo la kila jumamosi ya mwisho wa mwezi, walisema kuwa zoezi la usafi la pamoja lnadumisha Mahusiano yao kwa kada mbalimbali kwani ni mala chache sana hasa kwenye matukio kutokana na kubanwa na majukumu ya kazi ya kila siku, vilevile usafi kwao ni sehemu ya mazoezi.