WATUMISHI HUDUMIENI WATU KWA KUNYENYEKEA, MSIWAFOKEE

Tarehe ya Kuanza: March 3rd, 2025

Katibu Tawala wa Wilaya ya Mbarali Ndugu Frank Sichalwe siku ya leo tarehe 03.03.2025 amewaasa Watumishi wa kuajiriwa na Wale wa Kuchaguliwa kuwa waadilifu na kuhudumia watu vizuri wanapotembelewa kwenye Ofisi zao hata kama mtu atakuja mara nyingi kuhitaji huduma ya kutatuliwa kero yake. Amesema nafasi ya kuwa Mtumishi wa Serikali ni Mungu tu lakini sio kwamba wewe unaakili zaidi ya hao watu wengine. Katibu Sichalwe ameyasema hayo kwenye Mkutano wa kusikiliza na kutatua kero kwa wananchi wa Kata ya Ubaruku. 

"Utakapokuwa ni Utumishi wa Serikali kwenye eneo fulani, haina maana unawazidi hao watu akili wote.  Wapo wanaokuzidi akili, hekma,  mali na ufahamu" 

Hudumieni watu kwa kunyenyekea msiwe wakali maofisini, wanyenyekeeni watu waelekezeni vizuri namna ya kutatua kero zao, MSIWAFOKEE"

" kama jambo limekushinda nenda hatua inayofuata, ni MUNGU tu amekupa nafasi"

"Mishahara tunayolipwa ni kodi za Watanzania wote hawa wanazokatwa wanapoenda kununua mahitaji yao. Lakini na ninyi wananchi msitumie nafasi hiyo kuwanyanyasa Watumishi kwenye maeneo yenu, waleeni kama watoto wenu"