MAADHIMISHO WIKI YA UNYONYESHAJI WA MAZIWA YA MAMA

Tarehe ya Kuanza: August 1st, 2025

Afisa Lishe wa Halmashauri ya Wilaya ya Mbarali ameasa akina mama kuhakikisha wananyonyesha watoto wao ndani ya saa moja kuanzia anapozaliwa  mpaka miezi 6 bila kumchanganyia kitu chochote.

Bwana Simon Haule ambaye ni Afisa Lishe wa Wilaya ya Mbarali ameyasema hayo kwenye ufunguzi wa Wiki ya Unyonyeshaji wa Maziwa ya Mama Duniani iliyoanza siku ya leo Agosti Mosi, 2025 na kilele chake itakuwa Agosti 7, 2025.

Maadhimisho hayo yanafanyika kwenye vituo vyote vya Afya katika Halmashauri ya Wilaya ya Mbarali.

Wiki ya Unyonyeshaji wa Maziwa ya mama mwaka huu 2025 yameambatana na Kaulimbiu inayosema "Thamini Unyonyeshaji ; Weka Mazingira Wezeshi kwa Mama na Mtoto "