Finance Planning and Administration committee

HALMASHAURI YA WILAYA YA MBARALI

Mhe TWALIB TAMIMU LUBANDAMO

Mwenyekiti wa Halmashauri

KAMATI YA FEDHA UTAWALA NA MIPANGO (FUM)

WAJUMBE WA KAMATI 

MAJUKUMU YA JUMLA

Kamati hii inawashirikisha Wenyeviti wa kamati zote za kudumu na inapaswa kukutana kila mwezi maramoja. Majukumu ya Kamati hii ni kama kamati zingine za kudumu na hivyo hairuhusiwi kisheria kufanya kazi/majukumu ya kamati zingine za kudumu. Kwa ujumla, majukumu yake ni pamoja na kusimamia na kudhibiti ukusanyaji wa mapato na matumizi ya mali ya Halmashauri kwa kupitia vikao vyake. 

MAJUKUMU MAALUMU YA KAMATI;-

1. Kuweka mikakati na kupendekeza uongezaji wa mapato.
2. Kuwasilisha mapendekezo ya Bajeti na mpango wa maendeleo kwenye Halmashauri ilikuidhinishwa na Halmashauri.
3. Kusimamia utunzaji wa hesabu za fedha ikiwa ni pamoja na uhakiki wa mali za Halmashauri, ukusanyaji wa mapato, kufuta madeni na kuomba vibali maalumu kwa matumizi yanayohitaji kibali cha Waziri mwenye dhamana ya Serikali Mitaa.
4. Kufikiria na pale inapowezekana, kupendekeza kwenye Halmashauri masuala yanayohusu Sheria Ndogo na utendaji katika ngazi za chini za Halmashauri.
5. Kupokeana kuzingatia mapendekezo ya kubadili matumizi ya mafungu ya fedha (re-allocation) yaliyopo katika makisio ya liyoidhinishwa na kuyapeleka Halmashauri.
6. Kufikiria na kupendekeza kwenye Halmashauri mikopo yote ya Halmashauri.
7. Kuratibu mapendekezo kutoka kwenye kamati zingine kuhusu matumizi ya kawaida namiradi na kuyawasilisha kwenye Halmashauri.
8. Kutoa mapendekezo ya vitega uchumi kwa madhumuni ya kuongeza mapato kwa mujibu wa sharia ya fedha za Serikali za Mitaa Na. 9 ya 1982 (38) kifungu 38.
9. Kupokea na kujadili taarifa za wakaguzi wa fedha na mali ya Halmashauri na kupendekeza hatua za kuchukuliwa kutokana na maelekezo na maoni ya wakaguzi kwa mijibu wa Sheria za Serikali za Mitaa, Na 9 ya 1982 kifungu 48 (1).
10. Kutoa mapendekezo ya aina ya bima na za kuchukuliwa na Halmashauri kwa ajili ya mali mbalimbali, kwa mujibu wa Kanuni za fedha (financial Memoranda) za Mwaka 1997 kifungu 310-315
11. Kusimamia na kudhibiti maswala yote ya Mapato na matumizi ya Halmashauri kwa mujibu wa Kanuni na taratibu kama ilivyoelezwa kwenye financial Memoranda ya 1997 amri Na, 3 ( C)
12. Kujadili na kupendekeza mabadilliko ya viwango vya kodi, Ada na Ushuru mbalimbali vinavyotozwa na Halmashauri, kama inavyoelekezwa kwenye financial Memeorada 1997 amri Na, 3 ( C)
13. Kubuni na kupendekeza mpango wa kuanzisha na kuendeleza uhusuiano na Hamashauri nyingine.
14. Kurekebisha na kusimamia makusanyo na matumizi ya Mapato ya Vijiji na miji midogo kwa mujibu wa sheria Na 7/82 kifungu cha 118 (1) (F).
15. Kuteua wakaguzi wa fedha au mali za Serikali za Vijiji kwa mujibu wa sheria Na. 9/82 kifungu cha 45 (3)
16. Kushuhurikia ajira ya watumishi wakundi C na kupendekeza kwa Halmashauri mambo yanayohusiana na ngazi za mishahara, kupandisha vyeo, masharti ya kazi na mafunzo ya watumishi.
17. Kujadilina kutoa mapendekezo ya hatua za kuchukuliwa kuhusu mambo yote ya kinidhamu ya wafanyakazi na watumishi.
18. Kujadilina kutoa mapendekezo kuhusu maswala yanayohusu nyumba za Halmashauri.
19. Kupokeana kutoa maamuzijuu ya mapendekezo ya watumishi wanaokwenda masomoni.
20. Kujadili na kupendekeza maswala yote yanayohusu maslahi ya Jumla ya watumishi, ikiwa ni pamoja na mikopo, nyumba, usafiri, matibabu na rambirambi na motisha nyinginezo.
21. Kupitisha mapendekezo ya kuthibitisha watumishi kazini baada ya kumaliza kipindi cha majaribio kulingana na miundo husika ya utumishi
22. Kushughulikia maafa katika eneo la Halmashauri