3. Watu na Makabila

Wilaya ya Mbarali inakaliwa na makabila mbalimbali, makubwa yakiwa Wasangu, Wahehe,

Wabena, Wanyakyusa na Wakinga. Aidha, kuna makabila mengine wahamiaji kama

Wasukuma, Wanji, na Wagogo ambao wamehamia katika Bonde la Usangu kwa ajili ya

shughuli za kilimo na ufugaji. Mchanganyiko huu wa makabila umechangia katika utajiri wa

tamaduni na ujenzi wa mshikamano wa kijamii katika wilaya.

4. Uchumi na Shughuli Kuu

Shughuli kuu ya kiuchumi katika Wilaya ya Mbarali ni kilimo, ambapo takribani asilimia 80

ya wananchi wanajihusisha moja kwa moja na shughuli hii. Mazao makuu ya chakula ni

pamoja na mpunga, mahindi, mihogo, na viazi, huku mazao ya biashara yakiwa ni alizeti,

pamba, karanga na bustani. Wilaya hii ni maarufu kitaifa kwa kilimo cha mpunga kupitia

skimu za umwagiliaji, ambapo kuna zaidi ya skimu 80 zinazochangia pakubwa uzalishaji wa

zao hilo. Uwepo wa miundombinu ya barabara kuu ya TANZAM na reli ya TAZARA

kumeongeza fursa ya biashara na usafirishaji wa mazao.

5. Miundombinu na Huduma za Jamii

Halmashauri ya Wilaya ya Mbarali imegawanyika katika tarafa, kata, vijiji na vitongoji

vinavyosimamiwa na serikali za mitaa. Huduma za jamii zinatolewa kupitia shule, vituo vya

afya, zahanati na vituo vya maji vilivyopo katika maeneo mbalimbali. Hata hivyo,

changamoto bado zipo ikiwemo upungufu wa watumishi wa serikali katika sekta muhimu,

uhitaji wa barabara za vijijini zinazopitika muda wote, na uhaba wa huduma za maji safi na

salama katika baadhi ya maeneo.

6. Changamoto na Fursa

Changamoto kubwa zinazolikabili eneo hili ni pamoja na mabadiliko ya tabianchi

yanayoathiri upatikanaji wa mvua, ukosefu wa masoko ya uhakika kwa mazao, na upungufu

wa pembejeo bora za kilimo. Pamoja na changamoto hizo, Wilaya ya Mbarali ina fursa

kubwa za maendeleo kupitia kilimo cha umwagiliaji, uwepo wa ardhi yenye rutuba, na

vivutio vya utalii vinavyopatikana katika maeneo yanayopakana na Hifadhi ya Taifa ya

Ruaha.

7. RAMANI YA WILAYA YA MBARALI

8. Matokea ya Sensa ya Watu na Makazi 2022

Kulingana na sensa ya mwaka 2022, idadi ya watu wa Halmashauri / Wilaya ya Mbarali ni

446,336. “Number and Percentage Distribution of Population by Sex of Mbarali District

(446,336 persons) whereby 217,280 are male (48.7%) and 229,056 are female (51.3%)”.