Administrative and Human Resource

UTANGULIZI

Idara ya Utawala na Rasilimali Watu ni moja kati ya Idara 13 na vitendo 6 vinavyounda Halmashauri ya Wilaya ya Mbarali. Idara hii inajumla ya sehemu nne ambazo ni Utawala, Usafirishaji, Mikuitano na Masijala. Malengo makubwa ya Idara ni kuziwezesha idara nyingine kutimiza majukumu yake, kutoa utaalamu na huduma mbalimbali zinazohusiana na usimamizi wa Rasilimali watu na Utawala kwenye ngazi ya Halmashauri ya Wilaya ya Mbarali.

MAJUKUMU YA IDARA

• Kumshauri Mkurugenzi wa Halmashauri ya Wilaya ya Mbarali juu ya masuala yanayohusu rasilimaliwatu
• kuratibu utekelezaji wa sera ya Menejimenti ya Utumishi wa Umma na sheria nyingine zinazohusiana na Utawala na Menejimenti ya Utumishi wa Umma.
• Kuhakikisha watumishi wanafanyakazi kwa kuzingatia sheria, kanuni na taratibu za Utumishi wa Umma.
• Kusimamia nidhamu ya watumishi katika Halmashauri ya Wilaya ya Mbarali ili waweze kutoa huduma bora kwa jamii kwa kuzingatia kanuni na taratibu za Utumishi wa Umma.
• Kushughulikia na kutoa ufafanuzi wa malalamiko ya wananchi Halmashauri ya Wilaya ya Mbarali.
• Kuhakikisha kunakuwepo na mahusiano bora kazini kati ya watumishi wa Halmashauri ya Wilaya ya Mbarali, wasimamizi na wadau mbalimbali.
• Kufanikisha zoezi la upimaji wa vigezo kupata ruzuku ya maendeleo kwa vigezo vinavyohusu Idara ya Utawala na Utumishi.
• Kufanya makisio ya mishahara ya watumishi wa Halmashauri ya Wilaya ya Mbarali na kuwasilisha Hazina.
• Kuratibu likizo za watumishi na kusimamia maslahi yao.
• Kuhakikisha kuwa watumishi wapya wanaingizwa kwenye orodha ya mishahara kwa wakati.
• Kuhakikisha kuwa watumishi walioacha kazi, waliokufa, waliohama na waliostaafu wanaondolewa katika orodha ya malipo ya mishahara kwa wakati.
• Kuratibu huduma za Ulinzi, Usafi na utunzaji Ofisi, majengo na maeneo/viwanja vya ofisi na huduma za Usafiri
• Kutoa huduma za ujumla za uangalizi wa vifaa vya ofisi na Majengo ya Halmashauri ya Wilaya ya Mbarali
• Kushirikiana na Ofisi ya Rais Menejimenti ya Utumishi wa Umma – Tume/Sekretarieti ya Ajira juu ya masuala yote yanayohusiana na Ajira na Uteuzi wa watumishi.
• Kusimamia hatua/Mchakato wa kuwathibitisha na kuwapandisha vyeo/madaraja watumishi wa Halmashauri ya Wilaya ya Mbarali
• Kusimamia mishahara na kushauri juu ya kusimamia mfumo/orodha ya malipo ya mshahara
• Kusimamia utekelezaji wa mfumo wa wazi wa mapitio na upimaji wa utendaji wa kazi (OPRAS)
• Kushughulikia na kuhuisha taarifa za watumishi kama Likizo za mwaka, likizo za uzazi na matibabu, ruhusa za mafunzo/masomo na watumishi kuondoka kazini
• Kuratibu upatikanaji wa mafao ya watumishi (malipo ya pensheni n.k) na madai mengineyo
• Kushughulikia upatikanaji wa huduma zinazohusiana na watumishi kuondoka kwenye utumishi (kustaafu, kujiuzulu n.k)
• Kuratibu kamati ndogo ya Ajira na Uteuzi ya Halmashauri ya Wilaya ya Mbarali