MADIWANI KAMATI YA FEDHA, UONGOZI NA MIPANGO WAKAGUA MIRADI YA MAENDELEO MBARALI.

Posted on: February 3rd, 2026

Madiwani wanaounda Kamati ya Fedha, Uongozi na Mipango wakiwa wameambatana na Wataalam mbalimbali wa Halmashauri ya Wilaya Mbarali, wamefanya ziara kukagua miradi ya ujenzi wa uzio wa mnada wa mifugo Rujewa, ukamilishaji wa vyumba 2 vya madarasa Shule ya Msingi Ihanga, ujenzi wa Kituo cha Polisi Igawa, ujenzi wa nyumba 2 za watumishi, ujenzi jengo la Afya ya Uzazi na mtoto na mradi wa uhimilishaji wa Ng’ombe Kijiji cha Majengo katika Halmashauri hiyo Februari  03, 2026.

Kamati hiyo imepongeza Wataalam wa Halmashauri kwa usimamizi mzuri wa miradi huku ikitoa wito kwa Watendaji wote kuhakikisha ubora na viwango vinazingatiwa, miradi kukamilika kwa wakati pamoja na usimamizi mzuri wa fedha za miradi.

Aidha Kamati hiyo imeelekeza kuchukuliwa kwa hatua za haraka kwa miradi yenye changamoto ili kunusuru kuchelewa kukamilika kwa miradi hali ambayo inaweza kupelekea wananchi kutopata huduma kwa wakati kama ambavyo Serikali ya Awamu ya Sita inayoongozwa na Rais, Mhe. Dkt. Samia Suluhu Hassan imeahidi kutekeleza kwa wananchi katika kuwaletea maendeleo