Ihahi Ward

HALMASHAURI YA WILAYA YA MBARALI

KATA YA IHAHI

Mhe. Bahati Mwalinginalyo

DIWANI WA KATA   

TAARIFA YA KATA YA IHAHI

1. UTANGULIZI

Kata ya Ihahi ni miongoni mwa kata 20 zilizopo katika Wilaya ya Mbarali Tarafa ya Ilongo, upande wa Magharibi, umbali wa kilometa 60 kutoka makao makuu ya Wilaya na Halmashauri na ina jumla ya ukubwa wa hekari 6,545.8. Kata ya Ihahi ilianzishwa kwa mujibu wa sheria za serikali za mitaa mwaka 2010

Kata hii imepakana na kata za upande wa mashariki kata ya Mapogoro,upande wa magharibi kata ya itamboleo  upande wa kusini kata ya Chimala na  upande wa kaskazini kata ya, Luhanga.

Katika ngazi ya Kata kuna Viongozi ambao ni Diwani wa Kata na Afisa Mtendaji wa Kata na kwa upande wa Vijiji kuna Wenyeviti wa Vijiji pamoja na Maafisa watendaji wa Vijiji.

Kata ya Ihahi ina jumla ya watumishi 55 wa kada mbalimbali kama ifuatavyo: Utawala 4, Elimu watumishi 37, Afya watumishi 11, Maliasili watumishi 0, Kilimo watumishi 2, Mifugo watumishi 1 na Maendeleo ya jamii watumishi 0.

Kata ya Ihahi ina Jumla ya Vijiji 3 ambavyo ni Kijiji cha Ihahi, Kijiji cha Kibaoni na Kijiji cha Mwaluma. Aidha kata hii ina vitongoji vipatavyo 18

Kata ya Ihahi ina jumla ya wakazi wapatao 9,005 kati yao Wanaume 3,893 na Wanawake 5112. Eneo la makazi ya watu ni 1,636.45 Makabila yanayopatikana katika kata ya Ihahi ni Wasangu, Wabena, Wawanji, Wanyakyusa, Wanyia, Wasukuma, Wamasai na Wahehe.

Shughuli kubwa za kiuchumi katika kata shughuli za kiuchumi kwa wananchi wake kama Kilimo, ufugaji na Biashara mbalimbali.

Vyanzo vya Mapato katika kata hii inatofautiana kutokana na Kijiji kimoja hadi kingine, miongoni mwa vyanzo hivyo ni kama; faini/adhabu mbalimbali, pawatila za Vijiji, michango ya wananchi, Ruzuku kutoka Serikali kuu (Halmashauri ya Wilaya) pamoja na misaada kutoka kwa Wadau mbalimbali.

Vivutio vya utalii vinavyopatikana katika kata ni pamoja na Misitu ya asili pamoja na mashamba ya Mpunga.

Hali ya Ulinzi na Usalama ndani ya kata ni nzuri kabisa kwani hakuna matukio ya kuhatarisha usalama. Aidha kila Kijiji kina Kamati ya Ulinzi na Usalama ambavyo vinafanya kazi usiku na mchana vilevile kuna kituo vya police kata  jirani ya Chimala ambapo sambamba na majukumu mengine huhakikisha ulinzi na usalama wa wananchi na mali zao.

2. HUDUMA ZA KIJAMII ZINAZOTOLEWA PAMOJA NA FURSA ZILIZOPO

 A. ELIMU

Kata ya Ihahi ina Jumla walimu 36, shule za Msingi 3 na shule ya sekondari moja.

 i. ELIMU MSINGI

• Shule ya Msingi Ihahi
• Shule ya Msingi Chosi “A”

 ii. ELIMU SEKONDARI

Shule ya Sekondari Ihahi

B. AFYA

Kata ya Ihahi ina Jumla ya watumishi 6 wa Idara ya afya, zahanati 3 katika Vijiji vya Ihahi, Chosi pamoja na zahanati ya Brand Mission nayo ipo Kijiji cha ihahi. Magonjwa yanayosumbua katika kata ya Ihahi ni pamoja na Kuhara, Pneumonia, Maralia, UTI na STI.

C. KILIMO, UMWAGILIAJI NA USHIRIKA

Kata ya Ihahi ina jumla ya watumishi 2 wa idara ya Kilimo, Umwagiliaji na Ushirika, na ina jumla ya wakulima 3530 wanaoishi ndani ya kata. Eneo linalofaa kwa ajili ya Kilimo ni hekta 4,909.35 Mazao yanayopatikana katika kata ya ni mpunga, mahindi, karanga, maharage, mihogo, Viazi vitamu, alizeti, Vitunguu, Mbogamboga, na Miwa.

Huduma zinazotolewa na Wataalam wa Kilimo ni ;

• Huduma za ugani
• Mashamba darasa juu ya Kilimo cha Kisasa
• Hifadhi bora ya Mazao ya Chakula
• Elimu juu ya ushirika
• Ukaguzi wa vyama vya ushirika pamoja na ushauri wa namna ya kuviendesha na kuvisimamia
• Kutatua Migogoro ya Wakulima na Wafugaji
• Elimu ya masoko na stakabadhi ghalani
• Ushauri juu ya matumizi sahihi ya maji
• Ushauri juu ya matumizi sahihi ya zana za Kilimo na pembejeo
• Ushauri juu ya Kilimo bora cha Mazao
• Kukusanya takwimu za Mvua
• Kuandaa na kutoa taarifa ya Utekelezaji ya kila robo mwaka na kuwasilisha wilayani.
• Kuandaa na kutoa taarifa ya Utekelezaji wa Maendeleo ya Kilimo katika Kamati ya Maendeleo ya kata.

D. MIFUGO NA UVUVI

Kata ya Ihahi ina mtumishi 1 wa idara ya Mifugo na Uvuvi, idadi ya wafugaji 472 na kuna eneo la Mifugo lenye ukubwa wa hekta 50 aina ya mifugo inayopatikana ni kama ifuatavyo:

• Ng’ombe
• Kondoo
• Mbuzi
• Punda
• Mbwa
• Kuku

Magonjwa yanayosumbua mifugo mara kwa mara ni kama homa ya mapafu, CCPP, foot na anaphasmosis

Huduma zinazotolewa na Idara ni pamoja na;

• Tiba kwa magonjwa dhidi ya Mifugo
• Huduma mbalimbali za Mifugo kama kuhasi, kukata pembe, kwato na midomo, kupiga chapa Mifugo, kukata meno, kuzalisha, kuogesha na Ukaguzi wa nyama
• Ushauri juu ya ujenzi bora wa mabanda ya Mifugo
• Kutoa elimu ya ufugaji bora wa namna ya ufugaji wa Mifugo yenye tija
• Ukaguzi wa Nyama na usafi katika Machinjio
• Kusimamia zoezi Endelevu la upigaji chapa wa mifugo

Sekta ya Uvuvi ni mojawapo ya sekta zinazofanya kazi katika kata hii. Idara inaendelea kushauri wananchi juu ya uchimbaji bora wa mabwaya ya samaki kwa ajili ya ufugaji wenye tija.

E. MALIASILI

Kata ya Ihahi haina watumishi wa maliasili mpaka sasa, na kata ya Ihahi ina uhifadhi wa misitu katika kijiji cha Ihahi ina uhifadhi mazingira na misitu kwa kusimamiwa na kamati za mazingira za vijiji.

 i.Vivutio vya Utalii

• Misitu ya asili,

 ii. Hifadhi ya Misitu

Kata ya Ihahi inaendelea kuhamasisha wananchi juu ya ulinzi na utunzai wa hifadhi kwa kushirikiana na Wakala wa Misitu Tanzania (TFS) katika Vijiji vilivyopakana na hifadhi hizo, kupanda miti, kuzuia uharibifu wa mazingira kwa kuchoma mkaa na kukata miti hovyo bila ya kuipanda upya, pamoja na kutoa ushauri wa kitaalamu juu ya uoteshaji na upandaji miti.

 ii. Mikakati ya uhifadhi wa mazingira pamoja na faida inayopatikana kutokana na uhifadhi huo. 

Kata inaendelea kutoa hamasa kwa wananchi pamoja na taasisi kuhusiana na kuendelea kulinda mazingira hasa maeneo ya misituasili na vyanzo vya maji kwa matumizi Endelevu, kuendelea kushauri kutengwa kwa Bajeti kwa ajili ya uoteshaji na upandaji wa miti katika Vijiji

F. MAENDELEO YA JAMII

Kata ya Ihahi haina watumishi wa Idara ya Maendeleo ya Jamii mpaka sasa, huduma zinazotolewa na kata ni kama ifuatavyo;

• Uandikishaji wa vyeti vya kuzaliwa kwa watoto chini ya miaka 5
• Elimu ya ulinzi na usalama wa mtoto
• Elimu ya kupinga ukatili kwa akina mama na watoto
• Kutetea haki za wazee, watoto na jamii kwa ujumla
• Kuhamasisha wananchi kujiunga na bima ya afya
• Kuhamasisha wazazi kupeleka watoto shuleni
• Kufuatilia shughuli za kiuchumi zinazofanywa na wanufaika wa Tasaf
• Kufuatilia Utekelezaji wa Kamati za ukimwi vijijni (VMAC)
• Kuhamasisha Wanawake, Vijana na Walemavu juu ya shughuli mbalimbali za ujasiliamali
• Kuhamasisha shughuli za Maendeleo kwenye mikutano na vikundi
• Kusimamia shughuli mbalimbali za Maendeleo vijijini.