MBARALI YAJIZATITI KUPAMBANA NA MAJANGA YA MOTO .

Posted on: January 20th, 2026

Jeshi la zimamoto na uokoaji Wilaya ya Mbarali limezidi kujizatiti kupambana na majanga ya Moto na ajali yanayoweza kujitokeza ndani ya Wilaya ya Mbarali kwa kuongeza vifaa vya uokoaji

Hayo yamejiri leo januari 20 wakati jeshi la zimamoto na uokoaji lilipofanya maonyesho ya Jinsi wanavyotumia vifaa kama Gari la zimamoto na vifaa vingine kupambana na majanga ya Moto

Akizungumza wakati wa maonesho hayo Mratibu msaidizi wa jeshi la zimamoto Wilaya ya Mbarali Ndugu Ayub Sanga amewataka Wananchi kumchukulia kwa uzito Elimu ya kujikinga na majanga ya Moto na amewataka kupiga namba 114 kwa msaada wa zimamoto pale majanga yanapo tokea

Akizungumza wakati wa maonesho hayo Mratibu msaidizi wa jeshi la zimamoto Wilaya ya Mbarali Ndugu Ayub Sanga amewataka Wananchi kumchukulia kwa uzito Elimu ya kujikinga na majanga ya Moto na amewataka kupiga namba 114 kwa msaada wa zimamoto pale majanga yanapo tokea

"Niwahamasishe Wananchi kuendelea kuchukua Tahadhari na Elimu ya kujikinga na majanga ya Moto pia pale yanapotokea msisite kupiga namba 114 ili mpate msaada wa zimamoto masaa 24 "

Aidha baada ya maonesho hayo Mkuu wa Wilaya ya Mbarali Mheshimiwa Brigedia Jenerali Maulid Hassan Surumbu amewapongeza jeshi la zimamoto na uokoaji kwa kuendelea kutoa Elimu juu ya majanga ya Moto wanayozidi kuitoa Kila siku hasa mashuleni na kwa wananchi wa kawaida hasa vijijini na Taasisi za serikali 

"Niwapongeze jeshi la zimamoto kwa Jinsi mnavyozidi kutimiza majukumu yenu pia niwapongeze kwa kazi nzuri ya kutoa Elimu ya Jinsi ya kujikinga na majanga ya Moto kwa wanafunzi , Wananchi wa vijijini na mijini pia hata kwenye Taasisi mbalimbali maana ni muhimu Kila mwananchi na Kila raia aweze kuelewa Jinsi ya kujikinga na moto wakiwa Nyumbani, mashambani na hata kwenye biashara zao "

Maonyesho hayo yamefanyika Leo kwenye viwanja vya ofisi ya Mkuu wa Wilaya na kuudhuriwa na Mkuu wa Wilaya ya Mbarali Mheshimiwa Brigedia Jenerali Maulid Hassan Surumbu, Mkurugenzi Mtendaji wa Halmashauri ya Wilaya ya Mbarali Ndugu Raymond Mweli, Katibu Tarafa wa Tarafa ya Rujewa na wataalam Mbalimbali pamoja na wananchi walioudhuria maonyesho hayo