WASIOPELEKA WATOTO SHULE WACHUKULIWE HATUA.

Posted on: January 20th, 2026

Mkuu wa Wilaya ya Mbarali Mheshimiwa Brigedia Jenerali Maulid Hassan Surumbu amewataka wazazi wasiopeleka watoto waliotimiza umri wa kuanza darasa la awali na Msingi pia waliochaguliwa kujiunga na kidato cha Kwanza kuhakikisha wanawapeleka watoto wao Shule vinginevyo wachukuliwe hatua za kisheria kwani ni wajibu wa mzazi kuhakikisha watoto wanapata Elimu .

Hayo ameyasema Leo alipokuwa akifanya Ziara ya kukagua Maendeleo ya wanafunzi walioripoti mashuleni mpaka Leo januari 20  kwa Shule za Msingi na sekondari Wilayani Mbarali

Akizungumza na baadhi ya Wakuu wa Shule, watendaji Kata na Vijiji pia wataalam wengine Mheshimiwa Surumbu amewataka watendaji hao kuchukua hatua mara Moja kwa wazazi wasiotaka kuwapeleka watoto Shule

"tayari Shule zimefunguliwa tangu januari 12 na sare za Shule sio kikwazo maana maagizo yalishatolewa kuwa mwanafunzi asiye na sare za Shule apokelewe hivyo hivyo , nitoe Rai kwa wazazi kuhakikisha mtoto wako anafika Shule ndani ya muda uliopangwa na Ninaagiza watendaji Kata na Vijiji kuhakikisha watoto wote kwenye eneo lako wanapelekwa Shule , na kwa wazazi watakao kaidi wachukuliwe hatua kwa mujibu wa Sheria "

 Aidha Mheshimiwa Surumbu pia  alitembelea mahali ambapo Mradi wa Kituo cha Afya Igurusi kinatakiwa kujengwa na kutoa maelekezo Mradi uanze mara Moja .

Kwa upande wao wataalam kutoka ngazi ya Kata na Vijiji wameahidi kuchukua hatua mara Moja kwa wazazi wanao suasua kuwapeleka watoto Shule

Kwa siku ya Leo Mkuu wa Wilaya ametembelea Shule ya sekondari Ruiwa , Chamlindima na Shule ya Msingi Ilongo, Igarako na Jamuhuri Ziara hiyo inatarajiwa kuendelea siku ya Kesho .

Katika Ziara hiyo Mkuu wa Wilaya aliongozana na Afisa Elimu sekondari, kaimu Afisa Elimu Msingi na Kaimu Mhandisi wa Wilaya