BARAZA LA WAFANYAKAZI LIMEPITISHA MPANGO WA BAJETI YA WILAYA YA MBARALI KWA MWAKA WA FEDHA 2026/27.

Posted on: February 7th, 2026

Baraza la wafanyakazi Wilaya ya Mbarali linaloundwa na Viongozi wa vyama Mbalimbali vya wafanyakazi kama Vile Chama cha Waalimu Tanzania (CWT), Chama cha Wafanyakazi wa Serikali na Afya Tanzania (TUGHE) Chama cha Wafanyakazi wa Serikali za Mitaa Tanzania(TALGWU) na Kamati tendaji ya Halmashauri ya Wilaya ya Mbarali. limeketi Leo Februari 7 katika Ukumbi wa Halmashauri ya Wilaya ya Mbarali na kupitisha mpango wa Bajeti ya Halmashauri ya Wilaya ya Mbarali.

Baraza Hilo lililoongozwa na Afisa Utumishi Mkuu Ndugu Amelye Mfugale aliyemwakilisha Mkurugenzi Mtendaji wa Halmashauri ya Wilaya ya Mbarali Ndugu Raymond Mweli ambaye ndiye Mwenyekiti wa Baraza la wafanyakazi Wilaya ya Mbarali na Katibu wake Bi Betisheba Nyagawa limepitia na kulipitisha wasilisho la mpango wa bajeti hii

Bajeti hiyo iliyowasilishwa na Afisa Mipango wa Halmashauri ya Wilaya ya Mbarali Ndugu Difason Solobia imelenga kuboresha Miundombinu ya Huduma za kijamii kwa kiasi kikubwa ili kutengeneza mazingira mazuri ya kufanyiwa shughuli za utafutaji Mali kama Kilimo na biashara ndogo ndogo ili kuboresha maisha ya mwananchi mmoja mmoja ndani ya Wilaya ya Mbarali

Sanjari na hilo bajeti hiyo imelenga kuboresha Mazingira ya Ufanyaji kazi kwa watumishi wa Umma kwa kuzingatia stahiki za watumishi hao, Ambapo watumishi zaidi ya1330 watapandishwa Madaraja na watumishi wengine watabadilishiwa Muundo.