DC APIGA MARUFUKU KWA WAMILIKI WA MAGHALA KUPOKEA LUMBESA.

Posted on: October 26th, 2018

Mkuu wa Wilaya ya Mbarali, Mhe Reuben Mfune amewapiga marufuku wamiliki wote wa Maghala ya kuhifadhia mazao wilayani Mbarali kupokea mazao ambao yamefungwa (kuzidishwa ujazo) bila ya kufuata sheria za vipimo zilizowekwa kwa mujibu wa sheria.

Mhe. Mfune ameyasema hayo alipokuwa kwenye kikao cha wadau wa maendeleo ya kilimo kilichofanyika katika ukumbi wa ofisi ya mkuu wa wilaya ya Mbarali siku ya tarehe 25/10/2018.

“kwa wale wote wenye maghala ya kuhifadhia mazao, wasipokee mazao yeyote yenye mfumo wa lumbesa, tukikukuta tutakuchukulia hatua kwa mujibu wa sheria za vipimo ambayo faini (adhabu) yake ni kuanzia tsh 100,000 hadi million 50 kwani kipimo kinaanzia shambani hadi unapokwenda kuhifadhi”

Katika kikao hicho vilevile mkuu wa wilaya amewataka wafanyabiashara wote wanaokopesha wananchi fedha bila ya kuwa na leseni kucha mara moja na kama kuna yeyote atakaetaka kufanya biashara hii afuate utaratibu uliowekwa kwa mujibu wa sheria.

“Ni bora uwe na ekali moja ya kwako kuliko kuwa na ekali 20 ambazo hautpata kitu, ni marufuku kwa viongozi wa skimu kukopa pesa kwa watu binasfi”

Kuhusiana na pembejeo za kilimo Mhe. Mfune alisema kuwa sio kila sehemu katika wilaya ya mbarali kuna mawakala wa pembejeo za kilimo kikubwa ni wakulima kutoa taarifa mapemba za bei za mbolea ambazo so elekezi kabla ya msimu wa kilimo kuisha.

“Bei elekezi ya mbolea ni kutoka Dar es Salaam hadi makao makuu ya wilaya”

Lengo la kikao cha wadau wa maendeleo ya kilimo lilikuwa ni  kujitathimini walikotoka na kuweka mikakati ya msimu ujao wa kilimo ili kila mdau ajue mwenzake anafanya nini katika eneo gani, vilevile wakulima waelewe jukumu lao katika kutekeleza mikakati iliyowekwa na wadau wa maendeleo na kukubalika kwa jamii.