BARAZA LA MADIWANI MBARALI LAPOKEA TAARIFA YA UPOKEZI WA MATREKTA MADOGO YA MKONO (POWERTILLERS).

Posted on: January 9th, 2026

Kikao cha Dharura cha Baraza la Madiwani wa Halmashauri ya Wilaya ya Mbarali kimefanyika Leo Januari 9 ili kupokea taarifa ya mapokezi ya Matrekta madogo ya mkono (Powertillers) kutoka Wizara ya Kilimo Taarifa hiyo iliyowasilishwa na eng. Kalori Lihala Kaimu Mkuu wa Idara ya Kilimo Mifugo na Uvuvi wa Halmashauri ya Wilaya ya Mbarali,

Kisha Baraza hilo kuazimia kugawa Matrekta madogo ya mkono (Powertillers) hizo mbili kwa Kila Kata ili kurahisisha shughuli za Kilimo ndani ya Halmashauri ya Wilaya ya Mbarali 

Mapendekezo hayo yamefikiwa na Baraza hilo lililoongozwa na Mwenyekiti wa Halmashauri Mheshimiwa Twalib Tamimu Lubandamo .

Akizungumza wakati wa Kikao hicho Mheshimiwa Twalib Tamimu Lubandamo amesema

 " Tupeleke Kwanza hizi Powertillers mbili mbili kwa Kila Kata na zisimamiwe kwa karibu na Maafisa Kilimo wa Kata ili wananchi wote wanufaike na zana hizi za Kilimo na tupate matokeo chanya na ndipo tumalozie awamu ya pili kugawa haya matrekta madogo ya mkono mengine 36 yatakayokuwa yamebaki baada ya awamu hii ya Kwanza ya Powertillers 40 kutoka "

Kwa upande wake Mkurugenzi Mtendaji wa Halmashauri ya Wilaya ya Mbarali Ndugu Raymond Mweli amesema

 " Sisi kama Wataalamu wa Halmashauri hii tunashukuru Baraza hilo kupokea taarifa hii kuijadili na kutupa maelekezo na tumeyapokea maelekezo haya na tutayasimamia na kuyatekeleza "

Ikumbukwe kuwa Desemba 12 Mkurugenzi Mtendaji wa Halmashauri ya Wilaya ya Mbarali Ndugu Raymond Mweli alipokea Powertillers 76 kutoka Wizara ya Kilimo ili kuongeza matokeo chanya na kurahisisha shughuli za Kilimo cha mpunga ndani ya Wilaya ya Mbarali.