Billion 1.5 Kukamilisha Ujenzi wa Hospitali ya Wilaya Mbarali

Posted on: July 25th, 2018

“Kwa mwaka huu wa fedha 2018/2019, TAMISEMI chini ya uongozi wa Rais wa awamu ya 5 Mhe. Dr. John Pombe Magufuli, tunajenga hospitali 67 mpya za Wilaya, na kwa Wilaya ya Mbarali tumetenga kiasi cha shilingi 1.5 bilioni ili ziweze kukamilisha ujenzi wa Hospitali ya Wilaya ili wananchi waanze kupata huduma”

Hayo yamesemwa na Naibu Wazizi wa TAMISEMI (Tawala za Mikoa na Serikali za Mitaa)  Mhe. Jeseph Kakunda alipofanya ziara katika Wilaya ya Mbarali kwa ajili ya Kukagua shuguri za Maendeleo zinazosimamiwa na Wizara yake siku ya tarehe 24/07/2018.

Akiwa katika Wilaya ya Mbarali, Mhe Naibu Waziri aliweza Kutembelea Miradi 3 ya maendeleo ambayo inayotekelezwa katika Wilaya ya Mbarali ambayo ni pamoja na Mradi wa Barabara  unayosimamiwa na Wakala wa Baralbara Vijijini na Mijini (TARURA) uliopo Kata ya Utengule Usangu, Ukarabati wa Kituo cha Afya Utengule Usangu pamoja na Kukagua ujenzi wa mabweni mawili na madarasa manne  katika sekondari ya Rujewa iliyopo Kata ya Rujewa.

Mhe. Kakunda amepongenga shughuli inayoendelea ya ujenzi na uboreshwaji  wa kituo cha Afya Utengule Usangu na amemuagiza Mkurugenzi Mtendaji wa Halmashauri ya Wilaya ya Mbarali kuandika barua TAMISEMI ili kuomba fedha za kuweza kumalizia Majengo yaliyobaki likiwemo jengo la wangonjwa wa njee (IPD).

“Naamini Mradi huu utakuwa ni ukombozi mkubwa sana kwa wananchi wa hapa, huduma zitakazotolewa hapa, sio sawa na huduma mlizokuwa mnazipata zamani. Mwaka huu tunajenga Vituo vya afya zaidi ya 95, na tunataka mpaka kufikia mwaka 2022 tuwe tumejenga Vituo vya afya 1000 kwani lengu kuu la Serikali ni kila kata iwe na kituo cha afya kama hiki.”

Akiwa katika shule ya Sekondari Rujewa, Mhe. Kakunda amepongeza ujenzi wa mabweni mawili na madarasa manne na akaongeza kuwa kwa mwaka huu wa fedha 2018/2019 Serikali imetenga kiasi cha shilingi Milioni 100 kwa ajili ya ujenzi wa Bwalo la Chakula na Maktaba ya Kusomea.

Kuhusiana na madai ya walimu alisema kwamba, Mhe. Dr. John Pombe Magufuli Rais wa Jamhuri ya Muungano wa Tanzania alishaagiza madai yote ya walimu yalipwe, na hadi kufikia sasa madai hayo yanalipwa kwa awamu tofauti tofauti.

Kuhusiana na mradi wa barabara, Mhe. Kakunda alipongeza juhudi za usimamizi zinazofanywa na Wakala wa Barabara Vijiji na Mijini (TARURA) kuwa ni wa kuridhisha, kwani barabara zimejengwa kwa kiwango kinachotakiwa.

Mkuu wa Wilaya ya Mbarali Mhe. Reuben Mfune, amemshukuru Mhe. Kakunda kwa kufanya ziara katika Wilaya ya Mbarali ili kuja kujionea shughuri za Maendeleo zinazoendelea katika Wilaya yake.

Mkurugenzi Mtendaji wa Halmashauri ya Mbarali amemuahidi Mhe. Naibu Waziri kuandika barua TAMISEMI kuomba fedha za kukamilisha ujenzi wa Majengo ya liyobaki katika kituo cha afya Utengule Usangu vilevile ameahidi kuwa, hadi ifikapo tarehe 31/08/2018 majengo matano kati ya Majengo sita yanayoendelea kujengwa katika kituo cha afya Utengule Usangu yatakuwa yamekamilika.