DED MBARALI AMEFANYA KIKAOKAZI NA TIMU YA USIMAMIZI NA UFUATILIAJI WA MIRADI PAMOJA NA TIMU YA MAPOKEZI YA VIFAA

Posted on: August 13th, 2025

DED MBARALI AZINDUA MAFUNZO YA KUWAJENGEA UWEZO KAMATI ZA UJENZI NA USIMAMIZI WA MIRADI VIJIJI NA KATA.

Mkurugenzi Mtendaji wa Halmashauri ya Wilaya ya Mbarali Ndugu Raymond Mweli amezindua kikao kazi chenye lengo la kuwajengea uwezo wajumbe wa kamati za ujenzi na usimamizi wa miradi  ngazi ya vijiji na kata wilaya ya Mbarali kikao hicho kilichohusisha wenyeviti wa vijiji , Maafisa watendaji vijiji na kata na wataalamu wa afya na wataalam wa elimu

Akizungumza na wajumbe wa kamati hizo Ndug Raymond Mweli Amesema

"Sisi kama watumishi wa serikali tuna wajibu wa kuhakikisha miradi ya Afya na Elimu inakamilika kwa wakati tunafahamu serikali ya awamu ya sita chini ya Daktari Samia Suluhu Hassan  inatoa fedha nyingi kwenye miradi ya maendeleo hivyo tunawajibu wa kusimamia utendaji kazi wa mafundi na matumizi sahihi ya fedha na vifaa kazi pia malighafi kama saruji na matofali . Kila mmoja kwenye jamii akitekeleza wajibu wake ipasavyo na hatutakuwa tayari kukwamishwa na mtu awaye yote maana lengo letu miradi ikamilike ili kuwapunguzia adha wananchi wetu  "

Aidha Mkurugenzi huyo amewataka viongozi hao  kupeana ushirikiano wao kwa wao ili kufanikisha azma hiyo na kuwataka kikao hicho kutumika kama chachu na morali ya kufanya kazi .

Sanjari na hilo Afisa manunuzi wilaya amewataka watumishi hawa kuzingatia matumizi ya mfumo wa manunuzi uliowekwa na serikali ya jamuhuri ya muungano wa Tanzania na amewataka watumishi kufanya kazi kwa team work