Janga la Corona Isiwe Sababu ya Kuwaozesha Wananfunzi - Katibu wa Mila Mbarali

Posted on: May 8th, 2020

Katibu Mkuu wa Mila wa Kabila la Wasangu Ndg.  Mwanasimtwa Henri Mwagongo ameitaka jamii ya kabila la Wasangu pamoja na Watanzania kwa ujumla kutochukulia janga la ugonjwa wa Corona kuwa sababu ya kuwaozesha wanafunzi pamoja na kuwapa mimba watoto ambao kwa sasa shule zimefungwa kutokana na COVID 19.

Ndg. Mwagongo ameyasema hayo siku ya tarehe 07/05/2020 walipokuwa wakifanya tambiko maalumu  la kimila pamoja na viongozi wote wa kimila ngazi ya vijiji lililofanyika kata ya Rujewa kitongoji cha Mlimani kwenye msitutu wa maliasili kwa ajili ya kumuomba Mungu aliepushe janga la Corona ambalo limeikumba Dunia kwa sasa.

“Shule zimefungwa, tusiwaache watoto watembee bila mpango, na isiwe sababu ya nyie kuwaoza, vilevile isije kuwa sababu ya wao kukosa kurudi shuleni kwa ajili ya mimba, kupambana na Corona sio kazi ya Serikali pekee, wote tunatakiwa kupambana”

“Asiesikia la Mkuu siku zote huvunjika guu, huu ugonjwa hadi sasa tiba yake haijapatikana, tujikinge kwa kufuta maelekezo yanayotolewa na Serikali kila siku, tuwe wasafi, tuache kukumbatiana, tuache kusalimiana kwa mikono, kusogeleana, kuto zurula hovyo bila sababu, kutembeleana majumbani bila sababu za msinigi na tuwe tunatoka nyumbani kwa shuhuri maalumu tu.” Aliseme  Mwagongo.

Afisa Afya kutoka ofisi ya Mkuu wa Mkoa wa Mbeya Ndg. Mashaka Juma, amewapongeza wazee wa kimila wa Jamii ya wasangu kwa kuunga mkono juhudi za Serikali katika kupambana na ugonjwa wa Corona kwa kufanya tambiko la kimila ili kuliondoa lisiweze kuja Mbarali na kuendelea na duniani.

 “Wazee hamjaiachia Serikali peke yake, na Serikali imekuwa ikitambua msaada mkubwa wa wazee wa kimila pamoja na tiba asilia ili tuweze kuushinda ugonjwa huu. Mngeweza kuliacha hili zoezi Serikali, ila kutokana na upendo wenu kwetu na vizazi vijavyo mkaamua kufanya tambiko. Ningependa na sehemu zinginge waige.”

Tambiko maalumu kwa ajili ya Kuliombea taifa na Dunia kwa ujumla dhidi ya ugonjwa wa COVID 19 limesimamiwa na wataalamu wa Afya kutoka ngazi ya Mkoa na Wilaya ili kuweza kufuata taratibu zote za afya zilizotolewa kwa ajili ya Kujikinga na Ugonjwa wa Corona.

MWISHO