MBARALI YAJIPANGA KUPAMBANA NA MAAFA.

Posted on: January 9th, 2026

Wilaya ya Mbarali imeendelea kujipanga sawasawa kukabiliana na maafa ya aina yote iwe ya asili au yasiyo ya asili yanayoweza kujitokeza kwenye Wilaya hii

Hayo yamebainishwa na kwenye kikao cha kamati ya Maafa Wilaya ya Mbarali kilichoongozwa na Mkuu wa Wilaya ya Mbarali Mheshimiwa Brigedia Jenerali Maulid Hassan Surumbu , Leo januari 9 kwenye Ukumbi wa ofisi ya Mkuu wa Wilaya ya Mbarali

Katika kikao hicho kamati hiyo ilipokea taarifa za hali ya maafa pia ilijadili aina za maafa yanayoweza kujitokeza kwa kuzingatia mazingira ya Wilaya

Sanjari na hilo kamati ilipitia taarifa ya jinsi taasisi za serikali kama TANROAD,  TARURA,RUWASA,TANESCO ,RUJUWASA NA RUWASA jinsi zilivyojipanga kupambana na maafa yoyote yatakayojitokeza .

Akizungumza katika kikao hicho Mheshimiwa  Brigedia Jenerali Maulid Surumbu amezitaka kila idara na taasisi kutekeleza mipango yote ya kukabiliana na maafa kama walivyoainisha kwenye kikao hicho

"Kama mnavyojua jiografia ya Wilaya yetu ni eneo la tambarare na linapokea mvua nyingi hivyo ni rahisi kupata na majanga ya mafuriko au kimbunga hivyo ni jukumu la kila idara na taasisi kutekeleza mipango yote ya kukabiliana na maafa pale tu yatakapojitokeza hasa kipindi hichi cha masika "

 Aidha kamati hiyo iliazimia kuziagiza kamati za maafa za kata na vijiji kutenga maeneo ya kuhifadhia watu pindi yakitokea majanga mbalimbali.