MBARALI YAPOKEA GARI LA ZIMAMOTO LENYE THAMANI YA BILIONI 1.5.

Posted on: December 8th, 2025

Jeshi la Zimamoto na Uokoaji Wilaya ya Mbarali limepokea gari jipya la Zimamoto lenye  thamani ya shilingi bilioni 1.5  kutoka kwa Rais wa Jamhuri ya Muungano wa Tanzania, Mhe. Dkt Samia Suluhu Hassan Leo Desemba 08, 2025.

Gari hilo limekabidhiwa kwa Mkuu wa Wilaya ya Mbarali, Mhe. Brig. Jen. Maulid Hassan Surumbu kutoka Kwa Kamanda wa Jeshi la Zimamoto na Uokoaji Mkoa wa Mbeya, Malundo Ngata amesema kuwa gari hilo litataua changamoto ya ukosefu wa huduma hiyo ambapo awali ililazimika kutegemea huduma ya zimamoto kutoka ofisi ya Zimamoto Mkoani.

"Tunamshukuru Mhe. Rais Dkt. Samia Suluhu Hassan kwa kutuletea gari la kisasa lenye thamani ya bilioni 1.5, tuna jukumu la kulitunza na jeshi la Zimamoto Kwa kushirikiana na Katibu Tawala wa Wilaya kujenga eneo la kuliegesha ndani ya siku 14", Amesema Mhe. Brig. Jen. Surumbu.

Naye Kamanda wa jeshi la Zimamoto na Uokoaji Mkoa wa Mbeya, Malumbo Ngata akikabidhi gari hilo kwa Mkuu wa Wilaya ya Mbarali amesema kuwa gari hilo limeletwa Kwa lengo la kutatua changamoto ya ajali za moto.

"Tumeleta gari hili Wilaya ya Mbarali ili muweze kutatua changamoto ya kukabiliana na moto pale inapotokea ajali,  tumefanya hivyo kwa sababu tunatambua Mbarali inapitisha magari mengi ya mizigo na ajali huwa zinatokea mara kwa mara, hivyo mtambo huu tumeuleta huku ili kuokoa maisha ya wananchi wa Mbarali na Watanzania wote kwa ujumla", amesema Ngata, Kamanda wa jeshi la Zimamoto na Uokoaji Mkoa wa Mbeya