MBUNGE JIMBO LA MBARALI AFANYA KIKAO KAZI NA WATUMISHI WA HALMASHAURI YA WILAYA YA MBARALI.

Posted on: December 18th, 2025

Mbunge wa Jimbo la Mbarali Mheshimiwa Bahati Kenneth Ndingo amefanya Kikao kazi na watumishi wa Makao makuu ya Halmashauri ya Wilaya ya Mbarali na kuwataka wafanye kazi kwa uweredi na kuwajali wananchi .

Kikao hicho kilichofanyika Leo kwenye Ukumbi wa zamani wa Halmashauri ya Wilaya ya Mbarali na kuudhuriwa na Mkurugenzi Mtendaji wa Halmashauri ya Wilaya ya Mbarali Ndugu Raymond Mweli na Makam mwenyekiti wa Halmashauri ya Wilaya ya Mbarali Mheshimiwa Chuki Jeremia Mbwanjine na watumishi wote wa Makao makuu ya Halmashauri ya Wilaya ya Mbarali

Akizungumza na watumishi hao Mheshimiwa Ndingo amewasisitiza watumishi hao kuhakikisha wanatembelea maeneo yenye Miradi ili kuhakikisha Miradi inakamilika kwa Wakati uliopangwa ili kuwapunguzia usumbufu Wananchi wa Wilaya ya Mbarali

"sisi kama Viongozi tunawategemea Sana ninyi katika kuzimaliza changamoto za Wananchi wetu hivyo Kila mmoja wetu analojukumu la kutimiza wajibu wake na ni jukumu la Kila mtu kwenye Idara yake kufika site za Miradi ili kusimamia utekelezaji wake uwe wa Ubora unaohitajika ,pia Tuhakikishe tunatatua migogoro mbalimbali inayojitokeza . Pia katika Utekelezaji wa Miradi hii Tuhakikishe tunawashirikisha Viongozi ngazi ya Kata Vijiji na hata Vitongoji pia wananchi ili wajue jinsi serikali inavyo Fanya kazi kuhakikisha wanapata huduma zote za kijamii  Yote haya yatawezekana kama tutashirikiana kwa karibu baina yetu "

Sanjari na hilo Mkurugenzi Mtendaji Halmashauri ya Wilaya ya Mbarali Ndugu Raymond Mweli Amesema kama Halmashauri wamekusudia kuziba mianya yote ya upotevu wa mapato na tutahakikisha tunakusanya mapato kwa haki na kusimamia Miradi yote ya Maendeleo kuhakikisha inakamilika kwa wakati

"Sisi kama watumishi wa serikali jukumu letu namba Moja ni kuwatumikia wananchi na kuhakikisha tunatatua Kero zao zote hivyo kama Mkurugenzi sita vumilia vitendo vyovyote vya uzembe katika kusimamia Miradi ya Maendeleo na Ndio Maana Kila Miradi kwa sasa tumempa project manager wa kuusimamia na sitashindwa kumchukulia hatua mtumishi yoyote anayeipaka matope Halmashauri kwa kwenda kudai asilimia 10 kwa mafundi