TCRA YATOA DOZI KWA WALEMAVU WILAYA YA MBARALI

Posted on: March 12th, 2019

Mamlaka ya Mawasilianao Tanzania (TCRA) Nyanda za Juu Kusini, imeendesha semina kwa walemavu wa Wilaya ya Mbarali katika ukumbi wa Polisi Rujewa siku ya tarehe 11/03/2019 ikiwa na lengo la kuwapa taarifa ya maendeleo ya sekta, haki na wajibu wao kama watumiaji wa huduma na bidhaa za mawasiliano.

Akizungunza katika semina hiyo Mkuu wa Kanda Mamlaka ya Mawasiliano Tanzaniaa Nyanda za Juu Kusini Eng. Asajile Mwakisisile alisema kuwa semina hii imekuwa na mafanikio makubwa na walemavu wengi wamepewa taarifa. Wanaamini changamoto zingine kama za makosa ya kimtandao yakiwemo pesa mtandaoni, usajili wa laini na yanayofanana na hayo sasa yatakuwa yamepata ufumbuzi.

Eng. Mwakisisile aliongeza kuwa ameelekeaza utaratibu wa namna ya kuwasilisha malalamiko yao na kufanyiwa kazi na mamlaka ya mawasiliano, na  yale yenye malengo ya kijinai yatafanyiwa kazi na Jeshi la Polisi.

Mamlaka ya Mawasiliano Tanzania imelenga kuyafikia makundi yote katika jamii, walipo mjiji, vijijini, maeneo ya pembezoni pamoja na  makundi yenye mahitaji hasa walemavu wa aina zote.

Namna ya kutambua simu harisi au bandia kwanza kabisa unatakiwa kuonyeza *#06#, Itatokea namba ya tarakimu 15. Kama simu ina laini zaidi ya moja zitatokea namba nyingi, iandike namba hiyo mahali, kisha Itume kama meseji kwenda 15090 baada ya hapo ujumbe utakaokuja utakuambia aina ya simu.

Hatua za kuchukua unapoibiwa simu ni pamoja na kuripoti kituo cha polisi haraka, kule utapewa RB amba ni hitaji la kisheria, adhabu faini laki 3-5 au jela miezi 6. Ni muhimu kuishika namba tambulishi ya simu yako, IMEI.

Jeshi la Polisi kupitia Kitengo cha Uhalifu Mtandaoni watafuatilia shauri hilo. Unaweza pia kuifungia simu hiyo ili isiweze kufanya kazi huko ilipo. Simu ikipatikana unaweza kufuata taratibu za kuifungua.

TCRA imeweka msisitizo mkubwa kuhakikisha huduma za mawasiliano zilizo bora, salama na za gharama wananchi wanazozimudu na zinapatikana kila sehemu kwa makundi yote katika jamii. Mtumiaji una wajibu wa kuwa makini na kutobughudhi watumiaji wengine.

Mawasiliano kwa maendeleo-Tutumie fursa za maendeleo ya sekta kujenga ustawi wa maisha yetu na nchi yetu.

Mamlaka ya Mawasilianao Tanzania Nyanda za Juu Kusini inasimamia mikoa ya Katavi, Rukwa, songwe, mbeya, njombe iringa na Ruvuma.

MWISHO