TIMU YA WATAALAM WA TATHMINI NA UFUATILIAJI MBARALI YAKAGUA MIRADI YA MAENDELEO.

Posted on: December 24th, 2025

Katika kuhakikisha miradi ya maendeleo inakamilika kwa wakati, ikiwa na viwango vinavyokidhi ubora na thamani ya fedha ya mradi husika, Wataalam wa Tathmini na ufuatiliaji kutoka Halmashauri ya Wilaya ya Mbarali wamefanya ukaguzi wa miradi mbalimbali ya Maendeleo inayotekelezwa kwenye Halmashauri ya Wilaya ya Mbarali ikihusisha sekta mbalimbali ikiwemo elimu na afya.

Timu ya Wataalam hao ikiongozwa na Kaimu Afisa Mipango Wilaya, Ndugu Pius Simfukwe imetembelea miradi ya ujenzi wa Shule mpya ya msingi Madibira, bweni jipya la wasichana Shule ya sekondari Miyombweni, ujenzi wa matundu matano ya vyoo Shule ya Msingi Iberege, ujenzi wa madarasa mawili shule ya Msingi Ipwani, ukamilishwaji wa maabara shule ya sekondari Ipwani, na ukamilishwaji wa zahanati ya Luwango Kata ya Ipwani.

Aidha Miradi hii iliyotembelewa Desemba 23, 2025; mitano inatekelezwa kwa vyanzo vya mapato ya ndani ya Halmashauri na mmoja ni fedha kutoka Serikali Kuu.