Ukipoteza Maisha ni Hasara kwa Familia Yako, ni Hasara kwa Taifa- Mfune

Posted on: July 6th, 2018

Hayo yamesemwa na Mkuu wa Wilaya ya Mbarali Mhe. Reuben Mfune alipofanya Mkutano na madereva wanaoendesha vyombo vya usafiri na usafirishaji siku ya tarehe 06/07/2018 katika ukumbi wa polisi Rujewa kwa ajili ya kupanga mikakati ya pamoja ya kudhibiti ajali za barabarani.

Katika mkutano huo Mkuu wa Wilaya ameongozana Kamati ya Ulinzi na Usalama Wilay, Kaimu Meneja wa TANROAD Mkoa wa Mbeya, Kaimu Meneja wa TARURA Wilaya ya Mbarali pamoja na Mkuu wa Usalama Barabarani Wilaya ya Mbarali kwa ajili ya kutoa kutoa elimu mbalimbali kuhusiana na Usalama barabarani na kujikinga na ajali.

Mhe. Mfune ameziagiza taasisi zote zilizo chini yake kutekeleza majukumu yao ili kuhakikisha zinakomesha ajali za barabarani katika Wilaya ya Mbarali.

 “ni marufuku kufanya biashara kwenye hifadhi za barabara, ni marufuku kuweka mabango bila ruhusa au kibali kutoka kwenye mamlaka husika, magari yote yalioharibikia katikati ya barabara yaondolewe ndani ya masaa sita, marufuku kuendesha powertila usiku na ni marufuku powertila kutumika kubebea abiria” 

“elimu hii iliyotolewa itaendelea kutolewa na maeneo mengine, Serikali inawajali wananchi wake ndio maana tunachukua hatua mbalimbali, kuna mambo yalikuwa yanafanyika kimazoea, na tunayafanya haya yote kwa ajili ya mustakabali wa maisha yetu”

Mhe. Mfune amemuagiza Kaimu Meneja wa TARURA Wilaya ya Mbarali Ndg. George Mpemba kuhakikisha wanatengeneza barabara zilizo bora na zenye viwango sambamba na kuweka alama za barabarani.

Vilevile amemuagiza Kaimu Meneja wa TANROAD Mkoa wa Mbeya Ndg. Given H. Njiro kuainisha sehemu zote zinazotakiwa kuwekwa vituo vya kusimama abiria ili vyombo vya usafirishaji visiweze kusima sehemu ambazo hazijatengwa, na atakaekiuka atatozwa faini kwa mujibu wa sheria.

Mhe. Mfune amemuagiza Mkurugenzi Mtendaji wa Halmashauri ya Wilaya ya Mbarali Ndg. Kivuma Msangi kuweka utaratibu wa kuzipatia namba powertila zote zilizopo Wilayani ili ziweze kutambulika na kuchukuliwa hatua pale zitakapokiuka sheria. Vilevile amemtaka Mkurugenzi  kutengeneza eneo la Stendi katika kata ya Lugelele pamoja na eneo la maengesho ya magali makubwa, sehemu zote zilizotengwa kwa ajili ya Stendi zianze kutumika ikiwamo Stendi mpya ya Chimala

Sambamba na hilo amelitaka Jeshi la Polisi Wilaya ya Mbarali kukaza uzi katika kusimamia sheria za Usalama Barabarani katika kudhibiti ajali pamoja na Jeshi la Zimamoto kuendelea kutoa elimu mbalimbali kwa wananchi.

Katika Kikao hicho ambacho kilihudhuriwa wasafirishaji mbalimbali wakiwemo madereva wa mabasi, madereva wa Magari ya Mizingo, Madereva wa Daladala, Madereva wa Bajaji, Madereva wa Pikipiki pamoja na madereva wa powertila elimu mbalimbali zilitolewa kutoka kwenye taasisi za serikari kupitia madereva hao ili nao waweze kuzisambaza kwa manufaa ya umma.