“Viongozi wa Dini Mnao Mchango Mkubwa Sana Katika Mambo Mbalimbali, Mambo Mengi Sana Yameandikwa Kwenye Misaafu na Biblia, na Hayo Hayo Ndio Mambo Mema Ambayo Serikali Inataka Yaendelee Kufanyika Katika Nchi Yetu

Posted on: March 8th, 2018

Hayo yamesemwa na Mkuu wa Wilaya ya Mbarali Mhe. Reuben Mfune alipoitisha kikao na Viongozi wa Dini waliopo katika Wilaya ya Mbarali siku ya tarehe 07/03/2018 ili kuzungumzia masuala mbalimbali yakiwemo ulinzi, Usaama na amani, masuala ya Maendeleo zikiwemo huduma za kijamii, Utawala bora pamoja na Mazingira.

Katika kikoa hicho Mhe. Mfune amewashukuru Viongozi wa Dini kwa kazi kubwa wanayoifanya ya kuwaelekeza waumini (wananchi) katika kutenda mambo mema ambayo Serikali inataka yatendeke, kwa Serikali inathamini sana mchango wa Viongozi wa Dini na inawategemea katika mambo mbalimbali, kwani mustakabali wa Ulinzi na Usalama upo mikononi mwetu.

“Kazi mnayoifanya Mwenyezi Mungu amewajalia kuitekeleza katika dunia hii na sisi kama Serikali tunaamini kwamba mnatisaidia katika uongozi wa nchi yetu” 

Mhe. Mkuu wa Wilaya amewaomba Viongozi wa Dini kuendelea kufundisha waamini wao kuhusiana na maadili ili tuweze kuwanusuru vijana wetu kwenye mamba mbalimbali hususani mimba kwa wanafunzi ili wasikatishe masomo yao, ulawiti, ubakaji, mavazi ya ajabu, kwani kupitia Viongozi wa dini itasaidia  kuwarudusha waamini katika mistali iliyonyooka.

Wakizungumza kupitia risala yao, Viongozi wa Dini wa Wilaya ya Mbarali wameishukuru Serikali kwa kuwajari na hata kuacha shughuli zingine na kutenga muda kwa ajili ya kujadiliana mambo mbalimbali yanayoihusu Wilaya ya Mbarali, kwani kitendo hicho kimeonyesha kuwathamini na kuwajali.

“tunawajibika wakati wote kuwa mawakala wa haki, amani na maridhiano kwa mustakabali wa Nchi yetu ya Tanzania, kwa mantiki hiyo sisi kama Viongozi wa dini  tutaendelea kuongoza na kusimamia jamii zetu katika kujenga na kusimamia maadili mema, tutaendele kuongoza jamii zetu katika kuwa mfano bora kuchukua dhamana kuhamasisha na kusimamia utu uhai na ustawi kwa ujumla”

Naye Kaimu Mkurugenzi wa Halmashauri ya Wilaya ya Mbarali, Ndg. Mganga Ngomuo amempongeza Mkuu wa Wilaya kwa kupitisha kikao na Viongozi wa Dini mbalimbali ili kuzungumzia mambo yanayoihusu Wilaya ya Mbarali yakiwemo, Ulinzi, Usalama na amani, masuala ya Maendeleo, na mambo mengine mengi yanayoigusa jamii.

Mganga Ngomuo amewaomba Viongozi wa Dini kuwaelimisha wanafunzi mashuleni hasa suala la maadili ili wengi wao wasikatishe masomo, kwani kwa sasa wanafunzi wengi hasa wa kike wamekatishwa masomo yao kutokana na tatizo la mimba,  ameomba kusaidiana na walimu pamoja na Viongozi wengine katika kuwarudisha watoto wetu kwenye mstali. Vilevile amewashukuru Viongozi wa Dini katika kuchangia na kuhamasisha waumini katika kuchangia shughuli za Maendeleo.

Daudi Nyingo

Afisa Habari na Mahusiano

Halmashauri ya Wilaya ya Mbarali

March 8, 2018