WANANCHI WA IGAWA WAPISHA BOMBA LA MAJI, WAPEWA FIDIA

Posted on: August 21st, 2025

DC MBARALI AWASHUKURU WANANCHI WA IGAWA KWA KUACHIA MAENEO YAO KWAAJILI YA MRADI WA MAJI.

Mkuu wa Wilaya ya Mbarali Mhe. Brigadia Jenerali Maulid Hassan Surumbu siku ya leo Agosti 21, 2025 amewashukuru wananchi 10  wa Igawa Wilaya ya Mbarali kwa kuachia maeneno yao ili mradi wa maji upite.

"Ninachowashukuru sana ninyi wananchi kukubali na kuridhia maeneo yenu mabomba yapite,  pia kuridhia kupokea fidia ambayo tunakwenda (kabla ya kutoa fidia) kuitoa"

Pamoja na yote, Dc Mbarali amemshukuru na kumpongeza Meneja wa Rujuwasa Mbarali kwa kazi kubwa anayoifanya

" Kwahiyo mimi niwashukuru tena Meneja wa Rujuwasa kwa kazi kubwa anayoifanya usiku na mchana"

Awali Meneja wa Rujuwasa Eng. Lestus Linda amesema eneo hilo ni eneo ambalo zamani bomba lilipita kutoka Igomelo kuelekea rujewa lakini baadae wananchi waliweza kusogeza makazi mpaka sehemu ya mapito ya bomba la maji. Aidha amesema kwakawaida bomba linatakiwa kubaki na mita saba kila upande japo baadhi ya wananchi wamejenga ndani ya mita hizo.

Kwa upande wa Wananchi hao 10 waliopekea fidia hizo wameishukuru Serikali nakuahidi kuonesha ushirikiano katika miradi ya Maendeleo huku wakisema maji ni uhai, pitisheni maji kwa amani.

Ni katika mradi mkubwa wa Miji 28 unaotekelezwa na Serikali ya awamu ya sita inayoongozwa na Dkt. Samia Suluhu Hassan  ambapo zoezi linaoendelea kwasasa ni ulazaji wa bomba za maji ili kufika mwezi Oktoba, bomba ziwe zimekamilika kutoka Igawa mpaka rujewa.

#Tamisemi

#RcMbeya

#Rujuwasambarali