WATUMISHI MBARALI WAHIMIZWA USHIRIKIANO KATIKA KUTEKELEZA MAJUKUMU YAO.

Posted on: January 16th, 2026

Hayo yameelezwa na Kaimu Mkurugenzi Mtendaji wa Halmashauri ya Wilaya ya Mbarali Bi Glory Komba akihitimisha hafla Fupi ya kuuaga mwaka 2025 na kuukaribisha mwaka mpya 2026 Iliyofanyika siku ya ijumaa januari 16 katika Ukumbi wa Halmashauri ya Wilaya ya Mbarali 

Katika hafla hiyo iliyoshirikisha watumishi wote wa Makao makuu ya Halmashauri ya Wilaya ya Mbarali. Kaimu Mkurugenzi Mtendaji wa Halmashauri ya Wilaya ya Mbarali Bi Glory Komba amesema katika kutekeleza majukumu ni lazima Idara zishirikiane ili kuongeza ufanisi katika kazi kwani lengo letu ni kutatua changamoto zinazowakabili wananchi 

"Tayari tumeanza mwaka mpya lazima tuongeze juhudi katika kutekeleza majukumu yetu pia tusiache kushirikiana maana ushirikiano ndiyo Kila kitu katika kutekeleza majukumu yetu pia tupendane na kuwa kitu kimoja kwani lengo letu ni kuwatatulia wananchi changamoto zinazowakabili"