WAZIRI JAFFO AFURAHISHWA NA HATUA YA UJENZI HOSPITALI MPYA YA MBARALI.

Posted on: December 15th, 2019

Waziri wa Nchi Ofisi ya Rais, Tawala za Mikoa na Serikali za Mitaa, Mhe. Suleiman Jaffo, amefurahishwa na hatua ya ujenzi iliyofikiwa kwenye Hospitali Mpya ya Wilaya ya Mbarali iliyogharimu kiasi cha tsh. billion 1.5 ambazo zimetolewa na Serikali ya Jamhuri ya Muungano wa Tanzania.

Mhe. Jaffo amezitoa pongezi hizo siku ya tarehe 14/12/2019 alipofanya ziara ya kutembelea na kukagua maendeleo ya ujenzi wa hospitali hiyo iliyopo kata ya Lugelele kitongoji cha Mpunga.

"Leo hii nimekuja kwa ajili ya kuangalia mwenendo wa ujenzi wa Hospitali hii, nikiwa kama Waziri wenu ambae nimepewa dhamana ya kusimamia Wizara hii, hapa nimelidhika sana, hapa hamjanitia hasira, muda sio mrefu nitawaletea milioni 500 nyingine hapa."

Mkuu wa Mkoa wa Mbeya Mhe. Albert Chalamila alisema kuwa, kwa sasa Hospitali Mpya ya Wilaya ya Mbarali ipo katika hatua za mwisho za ukamilishaji wa majengo yote na hadi kufikia mwezi Januari hospitali hiyo itaanza kutoa baadhi ya huduma.

Awali kabla ya kuwasili Katika Wilaya ya Mbarali Mhe. Waziri Jaffo siku ya tarehe 14/12/2019 alitembelea Mikoa ya Dodoma na Njombe na kukagua miladi mbalimbali ya maendeleo vilevile Mhe. Waziri ametembelea Halmashauri ya Wilaya ya Mbeya na baadae ataendelea na ratiba zake za Mikoa mingine.
Mwisho