DED MBARALI APELEKA FURAHA LUGELELE FC.

Tarehe ya Kuanza: January 17th, 2026

Katika kuinua sekta ya Michezo Mkurugenzi Mtendaji wa Halmashauri ya Wilaya ya Mbarali Ndugu Raymond Mweli aweka mikakati Maalum wa kushirikiana na klabu za Michezo na kuzisaidia pale zitakapo hitaji msaada ili  kuinua sekta ya michezo ndani ya Halmashauri ya Wilaya ya Mbarali.

Hayo yamesemwa na Afisa Michezo, Sanaa na Utamaduni Wilaya ya Mbarali, ni baada ya Timu ya soka ya Lugelele FC inayotokea Wilaya ya Mbarali kufanikiwa kuingia ligi Daraja la tatu ngazi ya Mkoa, mashindano hayo yanayoendelea ndani ya viwanja vya Chuo cha TEKU Mbeya.

Akizungumza kwa niaba ya Mkurugenzi Mtendaji wa Halmashauri ya Wilaya ya Mbarali, Bi Mariam Mnozya ambaye ni Afisa Michezo Sanaa na Utamaduni Wilaya ya Mbarali amesema Halmashauri itahakikisha inatoa ushirikiano mkubwa kuhakikisha timu hii inafikia malengo pia watasaidia upatikanaji wa vifaa vya Michezo kama Mipira ,jezi na cone kwa ajili ya kuwapa nguvu wachezaji

"Sisi kama walezi wa hii timu tunawapongeza kwa hii hatua mliyofika, ninajua changamoto zinazowakabili za ukosefu wa vifaa vya Michezo, ofisi ya Mkurugenzi Mtendaji Halmashauri ya Wilaya ya Mbarali inaahidi kuwasaidia kupata vifaa hivyo na tutahakikisha mnapata wadhamini wa kuwapa sapoti"

Aidha ofisi ya Mkurugenzi Mtendaji wa Halmashauri ya Wilaya ya Mbarali ilitoa usafiri kwa ajili ya kuhakikisha timu hiyo ya Lugelele FC inashiriki Mashindano hayo