HALMASHAURI YA WILAYA YA MBARALI YAKABIDHI MIKOPO YA 2% KWA WATU WENYE ULEMAVU.

Tarehe ya Kuanza: December 30th, 2025

Halmashauri ya Wilaya ya Mbarali imeendelea kutenga na kukabidhi Mikopo ya asilimia 10 ya mapato ya Halmashauri. Kwa ajili ya Vijana , wanawake na watu wenye Ulemavu .

Kupitia Idara ya Maendeleo ya Jamii Leo Tarehe 30 December Halmashauri ya Wilaya ya Mbarali Imekabidhi mkopo wa Boda boda kwa mtu mmoja mwenye Ulemavu ikiwa ni Moja ya Utekelezaji wa maagizo ya serikali kuu ya kuwa 2% ya mapato ya Halmashauri itolewe kama mikopo isiyo na riba  kwa watu wenye Ulemavu

Akizungumza wakati wa makabidhiano hayo Mwakilishi wa Mkurugenzi Mtendaji wa Halmashauri ya Wilaya ya Mbarali Ndugu Mathias Lusendeka amehimiza mnufaika huyo kutumia bodaboda hiyo kujipatia kipato ili kujikwamua ki maisha.

 "Tunakukabidhi Pikipiki hii kwa ajili ya shughuli za kujitafutia kipato chako , lakini Nina amini kupitia Pikipiki hii itakusaidia kurejesha mkopo kwa wakati , pia ukawe kama balozi kwa wengine waje wachukue mikopo isiyo na riba kwa ajili ya Walemavu waje tutaendelea kuwapa mikopo hii kwa ajili ya kufanya ujasiriamali wenye tija .

Aidha Mratibu wa Mikopo Halmashauri ya Wilaya ya Mbarali Ndugu Emmanuel Yohana amewahamasisha wananchi wa Halmashauri ya Wilaya ya Mbarali kuhakikisha wanajitokeza kuomba mikopo ili kujikwamua ki maisha

 " Niwahamasishe Wananchi wa Halmashauri ya Wilaya ya Mbarali wajitokeze kwa wingi kuomba mikopo kwani mikopo ya 10% ya mapato ya Halmashauri ni kwa ajili ya makundi matatu ambayo 4% ni kwa ajili ya wanawake, 4% ni kwa ajili ya vijana na 2% ni kwa ajili ya watu wenye Ulemavu.  Halmashauri ya Wilaya ya Mbarali imeendelea kutenga Fedha kwa ajili ya mikopo kama lilivyo agizo la serikali kuu"

Kwa upande wake Elisha Athanas Mkazi wa Kijiji cha Ihanga  Kata ya Rujewa ambaye ni mnufaika wa Mikopo hiyo aliyekabidhiwa Pikipiki ameishukuru Halmashauri ya Wilaya ya Mbarali kumkabidhi bodaboda hiyo

"Ninashukuru nimepata boda boda hii nitaitumia katika shughuli zangu za kujipatia kipato ili niweze kulipa mkopo huu lakini pia nawahakasisha wananchi wenzangu wa Wilaya ya Mbarali waje waombe mikopo hapa Halmashauri hakuna ubabaishaji Wala uzinguzi wa aina yoyote Ile "