DC MBARALI AFUNGA MAFUNZO YA AWALI YA JESHI LA AKIBA

Tarehe ya Kuanza: November 14th, 2024

DC MBARALI,  AWAPONGEZA WAHITIMU WA MAFUNZO YA JESHI LA AKIBA

Akihutubia wahitimu hao mapema hii leo Novemba 14, 2024 katika viwanja vya Imalilo-Songwe ambapo sherehe za kuhitimu zimefanyika, Mkuu wa Wilaya ya Mbarali Mhe Kanali Maulid Hassan Surumbu amesema

"Nimetaarifiwa kwamba mmehudhuria vipindi vyote vilivyoelekezwa kwamjibu wa ratiba lakini nyote mmefaulu kwa viwango vinavyohitajika, niwapongeze sana"

Kanali Surumbu amewagiza  Wahitimu hao kwenda kusaidia Serikali za Vijiji na Vitongoji ili kudumisha amani na kuepuka uhalifu wa aina yoyote huku akitahadharisha atakayetumia mafunzo hayo kwenda kufanya uhalifu atachukuliwa hatua kali ikiwemo kunyang'anywa kitambulisho. Hata hivyo Kanali Surumbu amewaasa wahitimu kuwa chachu cha amani, umoja na mshikamano katika maeneo yao.

Mafunzo ya awali ya Jeshi la akiba katika Wilaya ya Mbarali Kata ya Imalilo-Songwe yalianza Julai 8,2024 na kuhitimishwa leo Novemba 14,2024.

Wanafunzi walioanza na kumaliza mafunzo hii leo ni  211 (Me 188, Ke 83) wakati walionza jumla walilkuwa wanafunzi 320 huku wengine wakiacha kwa sababu za kiafya, wengine kupata ajira na wengine kutokana na utovu wa nidhamu na utoro.