Kata ya Luhanga

HALMASHAURI YA WILAYA YA MBARALI

KATA YA LUHANGA

MHE. BARAKA MAMBOLEOLETEYO

DIWANI WA KATA YA LUHANGA

TAARIFA YA KATA

1. UTANGULIZI

Kata ya Luhanga ipo Wilaya ya Mbarali tarafa ya Ilongo umbali wa kilometa 105 kutoka makao makuu ya Halmashauri ya Wilaya ya Mbarali . Kata hii ipepakana na kata za Utengule Usangu upande wa Kusini, Itamboleo upande wa Mashariki, Mwatenga upande wa Magharibi na upande wa Kaskazini imepakana na Hifadhi ya Taifa ya Ruaha (RUNAPA).

Katika ngazi ya Kata kuna Viongozi ambao ni Diwani wa Kata na Afisa Mtendaji wa Kata na kwa upande wa Vijiji kuna Wenyeviti wa Vijiji pamoja na Maafisa watendaji wa Vijiji.

Kata hii ina Jumla ya watumishi 37 ambao ni; Mtendaji wa Kata 1,Watendaji wa Vijiji 4, Elimu 25, Afya 5, Kilimo, Umwagiliaji, Umwagiliaji na ushirika 1, Mifugo na Uvuvi 1.

Kata ya Luhanga ina Jumla ya Vijiji 4 ambavyo ni Kijiji cha Luhanga, Kijiji cha Msanga, Kijiji cha Madundasi, pamoja na Kijiji cha Iyala. Aidha kata hii ina vitongoji vipatavyo 36

Kata ina Jumla ya wakazi wapatao 12,078 kati yao wanaume 5,579 na Wanawake 6,499. Makabila yanayopatikana katika kata ya Luhanga ni pamoja na Kabila la Wasangu, Wanyakyusa, Wamasai, Wasafwa, Wasukuma, Wanyia, na Wagogo.

Shughuli kubwa za kiuchumi katika kata hii ni pamoja na Kilimo, ufugaji, Biashara pamoja na usafirishaji wa bidhaa mbalimbali.

Vyanzo vya Mapato katika kata hii inatofautiana kutokana na Kijiji kimoja hadi kingine, miongoni mwa vyanzo hivyo ni kama; Minara ya Simu, faini/adhabu mbalimbali, pawatila za Vijiji, Ushuru, Ruzuku kutoka Serikali kuu (Halmashauri ya Wilaya) pamoja na misaada kutoka kwa Wadau mbalimbali.

Vivutio vya utalii vinavyopatikana katika kata ni pamoja na Hifadhi ya Taifa ya Ruaha (RUNAPA) na Misitu ya asili

Hali ya Ulinzi na Usalama ndani ya kata ni nzuri kabisa kwani hakuna matukio ya kuhatarisha usalama. Aidha kila Kijiji kina Kamati ya Ulinzi na Usalama, sambamba na majukumu mengine huhakikisha ulinzi na usalama wa wananchi na mali zao.

2. HUDUMA ZA KIJAMII ZINAZOTOLEWA PAMOJA NA FURSA ZILIZOPO

  A. ELIMU

Kata ya igurusi ina Jumla ya walimu 25 na shule za Msingi nne (4)

Shule za msingi

• Shule ya Msingi Luhanga
• Shule ya Msingi Msanga
• Shule ya Msingi Madundasi
• Shule ya Msingi Iyala

   B. AFYA 

Kata ya Luhanga ina watumishi 5, pamoja na Zahanati 2 ambayo ipo katika Kijiji cha Luhanga na Kijiji cha Madundasi. Magonjwa yanayosumbua katika kata ni pamoja na Vichomi, Kuhara, Minyoo na Magonjwa ya Ngozi.

   C. KILIMO NA USHIRIKA

Idadi ya watumishi katika Idara ya Kilimo, Umwagiliaji na Ushirika ndani ya kata ni mtumishi 1. Mazao yanayopatikana ndani ya kata ni pamoja na zao la Mpunga, zao la Mahindi, zao la Mtama, viazi vitamu, Choroko pamoja na mboga za aina mbalimbali.

Kata ina mifereji 13 ya asili ambayo inatumika kwa ajili ya shughuli mbalimbali za umwagiliaji.

Huduma zinazotolewa na Wataalam wa Kilimo ni ;

• Huduma za ugani
• Mashamba darasa juu ya Kilimo cha Kisasa
• Hifadhi bora ya Mazao ya Chakula
• Elimu juu ya ushirika
• Ukaguzi wa vyama vya ushirika pamoja na ushauri wa namna ya kuviendesha na kuvisimamia
• Elimu ya masoko na stakabadhi ghalani
• Ushauri juu ya matumizi sahihi ya maji
• Ushauri juu ya matumizi sahihi  ya zana za Kilimo na pembejeo
• Ushauri juu ya Kilimo bora cha Mazao

   D. MIFUGO NA UVUVI

Idadi ya watumishi katika Idara hii ni 1 na idadi ya Mifugo ya Ng’ombe iliyopo ndani ya kata ni 37,119.  kwa kila Kijiji ni kama ifuatavyo;

• Kijiji Luhanga                         15,049
• Kijiji cha Iyala                         13,353
• Kijiji cha Madundasi               5,805
• Kijiji cha Msanga                    2,912

Huduma zinazotolewa na Idara ni pamoja na;

• Tiba kwa magonjwa dhidi ya Mifugo
• Huduma mbalimbali za Mifugo kama kuhasi, kukata pembe, kwato na midomo, kupiga chapa Mifugo, kukata meno, kuzalisha, kuogesha na Ukaguzi wa nyama
• Ushauri juu ya ujenzi bora wa mabanda ya Mifugo
• Kutoa elimu ya ufugaji bora wa namna ya ufugaji wa Mifugo yenye tija
• Ukaguzi wa Nyama na usafi katika Machinjio
• Kusimamia zoezi Endelevu la upigaji chapa wa mifugo

Sekta ya Uvuvi ni mojawapo ya sekta zinazofanya kazi katika kata hii. Idara inaendelea kushauri wananchi juu ya uchimbaji bora wa mabwaya ya samaki kwa ajili ya ufugaji wenye tija.

   E. MALIASILI 

Vivutio vya utalii vinavyopatikana katika kata ni pamoja na;

• Hifadhi ya Taifa ya Ruaha (RUNAPA) na
• Misitu ya asili

      a. Hifadhi ya Misitu

kata ya Luhanga inaendelea kuhamasisha wananchi juu ya ulinzi na utunzai wa hifadhi kwa kushirikiana na Wakala wa Misitu Tanzania (TFS) katika Vijiji vilivyopakana na hifadhi hizo, kupanda miti, kuzuia uharibifu wa mazingira kwa kuchoma mkaa na kukata miti hovyo bila ya kuipanda upya, pamoja na kutoa ushauri wa kitaalamu juu ya uoteshaji na upandaji miti.

     b. Mikakati ya uhifadhi wa mazingira pamoja na faida inayopatikana kutokana na uhifadhi huo.

Kata inaendelea kutoa hamasa kwa wananchi pamoja na taasisi kuhusiana na kuendelea kulinda mazingira hasa maeneo ya Misitu ya asili na vyanzo vya maji kwa matumizi Endelevu, kuendelea kushauri kutengwa kwa Bajeti kwa ajili ya uoteshaji na upandaji wa miti katika Vijiji.

   F. MAENDELEO YA JAMII

Kazi zinazofanya na ni kama ifuatavyo;

• Uandikishaji wa vyeti vya kuzaliwa kwa watoto chini ya miaka 5
• Elimu ya ulinzi na usalama wa mtoto
• Elimu ya kupinga ukatili kwa akina mama na watoto
• Kutetea haki za wazee, watoto na jamii kwa ujumla
• Kuhamasisha wananchi kujiunga na bima ya afya
• Kuhamasisha wazazi kupeleka watoto shuleni
• Kufuatilia shughuli za kiuchumi zinazofanywa na wanufaika wa Tasaf
• Kufuatilia Utekelezaji wa Kamati za ukimwi vijijni (VMAC)
• Kuhamasisha Wanawake, Vijana na Walemavu juu ya shughuli mbalimbali za ujasiliamali
• Kuhamasisha shughuli za Maendeleo kwenye mikutano na vikundi
• Kusimamia shughuli mbalimbali za Maendeleo vijijini