WANAUME SHIRIKISHENI NA WENZA WENU KATIKA UMILIKISHAJI WA ARDHI.

Tarehe ya Kuanza: October 15th, 2025

Naibu Katibu Mkuu wa Wizara ya Ardhi, Nyumba na Maendeleo ya Makazi, Lucy Dominico Kabyemera ameshauri wanaume kushirikisha wenza wao katika zoezi la uaandaji wa hati za umiliki wa ardhi ili kuondoa migngano ndani ya familia. 

Naibu Katibu Mkuu Kabyemera amesema hayo Oktoba 15, 20256 katika zoezi la ugawaji wa hati za ardhi lililofanyika eneo la Igurusi Jijini Mbeya ambapo zoezi hilo liliambatana na zoezi la kutoa elimu juu ya umuhimu wa hatimiliki kupitia kliniki ya ardhi.

Akizungumza kwenye mkutano huo, Afisa Ardhi Mteule wa Halmashauri ya Wilaya ya Mbarali, Faraja Nkwera amesema wananchi wanapaswa kutumia fursa hiyo kuhakikisha wanapata hati zao ili kuondoa migogoro mbalimbali ambayo imekuwa ikijitokeza kwenye jamii ikihusisha masuala ya ardhi.

"Niwasihi sana akina baba mfuate utaratibu wa kumilikishwa ardhi, mkishirikishana na wake zenu itasaidia sana baadae kuondoa migongano pamoja na kutatua migogoro na migongano”, amesema Naibu Katibu Mkuu Kabyemera.

Aidha Naibu Katibu Mkuu Kabyemera amesema ushirikiano wa wenza kwenye familia utasaidia kutoa fursa ya usawa ambapo mwanamke atakuwa na nafasi ya kunufaika na ardhi wanayoimiliki pamoja kama familia.