DC Mbarali Akabidhiwa Vifaa vya Ujenzi wa Kituo cha Polisi Igurusi

Tarehe ya Kuanza: August 25th, 2018

Mkuu wa Wilaya ya Mbarali Mhe. Reuben Mfune amakabidhiwa vifaa vya ujenzi wa Kituo cha Polisi Igurusi na ndg. Amon Said Mkurugenzi mwezeshaji wa Kampuni ya AgriCom ambayo inayojihusisha na uuzaji wa zana za kilimo siku ya tarehe 24/08/2018 katika Kijiji cha Lwanyo kata ya igurusi.

katika makabidhiano hayo, kampuni ya AgriCom imeweza kuchangia mifuko saruji (Cement) 120, celling bord piece 61, mchanga malori 7 pamoja na gharama za ufundi.

Vifaa hivyo vilivyokabidhiwa vitatumika katika umaliziaji wa kituo hicho ambacho ujenzi wake ulishaanza kwa kutumia nguvu za wananchi na mchango wa mhe Mbunge wa mbarali ambaye amechangia kiasi cha tsh milion 2.

akizungumza katika makabidhiano ya vifaa hivyo Mkuu wa Wilaya ya Mbarali Mhe. Reuben Mfune amewapongeza wakazi wa kata ya Igurusi kwa kuanzisha ujenzi wa kituo cha polisi ambacho kitatumika kwa ajili ya ulinzi wa mali za wananchi na usalama wao pamoja na kumshukuru  Mkurugenzi wa Kampuni ya AgriCom kwa kukubali ombi la kumalizia ujenzi wa kituo hicho na kuendelea kuchangia shughuli mbalimbali za maendeleo za kijamii ikiwemo ujenzi wa shule pamoja na uuzaji wa bidhaa za zana za kilimo kwani asilimia kubwa ya wananchi wa mbarali ni wakulima.

"tusibweteke na misaada hii kwani bado kiasi cha shilingi milion 3 ili tuweze kukamilisha ujenzi huu, hivyo tunatakiwa kuendelea kujitoa" alisema Mhe. Mfune

Mkurugezi Mwezeshaji  wa Kampuni ya AgriCom  ndg. Amon Said alisema kuwa pamoja na kuchangia ujenzi wa kituo hicho cha polisi vilevile wameweza kuchangia ukarabati wa shule ya msingi lwanyo kwa kutoa bati 80 pamoja na ukarabati, vilevile kampuni yake inatarajia kuzalisha zana za kilimo zikiwamo majembe, mapanga na mashoka.

naye Mkuu wa Polisi Wilaya ya Mbarali Faustine Bongole  amemuomba mkuu wa wilaya kumsaidia kupata eneo kubwa zaidi ili liweze kutumika kwa shughuli zingine za kipolisi ikiwamo sehemu za mazoezi na sehemu za maegesho ya vyombo vya usafiri vya moto kama magari au pikipiki zitakazoamatwa kwani eneo walilopewa lipo karibu na makazi ya watu na halitoshelezi kwa mahitaji yao.

Diwani wa Kata ya Igurusi Mhe. Hawa Kihwele amemshukuru Mkurugenzi Mwezeshaji wa Kampuni ya Agrocom kwa moyo wa kujitolea katika kuchangia shughuli za kijamii katika kata yake ya ya ighurusi na amemtaka kuendelea kuchangia shughuli nyingine za kimaendeleo.