MRATIBU WA MWENGE WA UHURU MKOA WA MBEYA AFANYA ZIARA MBARALI

Tarehe ya Kuanza: July 23rd, 2025

Mratibu wa Mwenge wa Uhuru Mkoa wa Mbeya Bw. Robert Mfugale ameipongeza Halmashauri ya Wilaya ya Mbarali kwa kuchagua miradi mizuri ya Mwenge wa Uhuru 2025 na kuipangilia vizuri. 

 "Niwapongeze kwa selection (uchaguzi) wa Miradi na kwa mpangilio mzuri"  

  Aidha Bw. Mfugale amesema miradi hiyo ina sifa na ubora stahiki kupitiwa na Mwenge wa Uhuru 2025 huku akiongeza kuwa marekebisho yake ni ya kawaida sana. Mbali na kusifia ubora wa miradi hiyo, Ndugu Mfugale amesisitiza miradi ambayo imekamilika na imeanza kutumika itunzwe ili iendelee kuwa na hadhi ya kupitiwa au kuzinduliwa na Mwenge wa Uhuru. 

Ameyasema hayo leo tarehe 23/07/2025 Wakati wa Ukaguzi wa Miradi itakayo Pitiwa,kuwekwa jiwe la Msingi, kutembelewa, kuzinduliwa na Mbio za Mwenge wa Uhuru 2025 Wilaya ya Mbarali.     

Kwa Upande wake Mratibu Msaidizi wa Mwenge wa Uhuru Bwn. John Mboya yeye ameipongeza Halmashauri ya Wilaya ya Mbarali akisema kwa sasa iko 'supa' na inauwezo kwa kushika namba moja Kimkoa.

  Kwa upande wa Mkurugenzi Mtendaji wa Halmashauri ya Wilaya ya Mbarali Ndugu Raymond Mweli amesema Mbarali itafanya vizuri sana mwaka huu katika Mbionza Mwenge wa Uhuru 2025.   

  "Mimi bila shaka niwahakikishie Mbarali safari hii itafanya vizuri sana"             

Miradi iliyotembelewa ni Miradi ya Elimu, Maji, Afya, Kikundi cha Vijana ( Bodaboda soko la mchele Chimala) ambacho ni miongoni mwa wanufaika wa asilimia 10% ya Mapato ya Halmashauri, Miundombinu ya Barabara pamoja na Nishati safi ya kupikia 

Kauli mbiu ya Mwenge wa Uhuru 2025 "Jitokeze Kushiriki Uchaguzi Mkuu wa Mwaka 2025 Kwa Amani na Utulivu".