Kata ya Mwatenga

HALMASHAURI YA WILAYA YA MBARALI

KATA YA MWATENGA

MHE. MASHAKA MGONJWA 

DIWANI WA KATA 

TAARIFA YA KATA YA MWATENGA

1. UTANGULIZI

Kata ya Mwatenga ipo Wilaya ya Mbarali Tarafa ya Ilongo, upande wa Magharibi, umbali wa kilometa 119 kutoka makao makuu ya Halmashauri ya Wilaya ya Mbarali na ina jumla ya ukubwa wa hekta 17172.149. Kata Mwatenga ilianzishwa kwa mujibu wa sheria za serikali za mitaa mwaka 2010 ikimeguka kutoka kata ya Mahongole.

Katika ngazi ya Kata kuna Viongozi ambao ni Diwani wa Kata na Afisa Mtendaji wa Kata na kwa upande wa Vijiji kuna Wenyeviti wa Vijiji pamoja na Maafisa watendaji wa Vijiji.

Kata ya Mwatenga ina jumla ya watumishi 37 wa kada mbalimbali kama ifuatavyo: Utawala 5, Elimu watumishi 25, Afya watumishi 2, Maliasili 1, Kilimo watumishi 2, Mifugo na Uvuvi watumishi 2 na Maendeleo ya jamii watumishi 0.

Kata ya Mwatenga ina Jumla ya Vijiji 4 ambavyo ni Kijiji cha Mwatenga, Kijiji cha Mapogoro, Kijiji cha Igunda Mhwela na Kijiji cha Kilambo. Aidha kata hii ina vitongoji vipatavyo 26 na kaya 2,056.

Kata ya Mwatenga ina jumla ya wakazi wapatao 9,387 kati yao Wanaume 4,855 na Wanawake 4,982. Makabila yanayopatikana katika Kata ya Mwatenga ni wasangu, wabena, wasafwa, wawanji, wanyakyusa, wakinga, wasukuma, wamalila, wanyiha, wataturu na wandali

Shughuli kubwa za kiuchumi katika kata shughuli za kiuchumi kwa wananchi wake kama ifuatavyo; kilimo, ufugaji na Biashara

Vyanzo vya Mapato katika kata hii inatofautiana kutokana na Kijiji kimoja hadi kingine, miongoni mwa vyanzo hivyo ni kama; faini/adhabu mbalimbali, pawatila za Vijiji, michango ya wananchi, Ruzuku kutoka Serikali kuu (Halmashauri ya Wilaya) pamoja na misaada kutoka kwa Wadau mbalimbali.

Hali ya Ulinzi na Usalama ndani ya kata ni nzuri kabisa kwani hakuna matukio ya kuhatarisha usalama. Aidha kila Kijiji kina Kamati ya Ulinzi na Usalama ambavyo vinafanya kazi usiku na mchana ambapo sambamba na majukumu mengine huhakikisha ulinzi na usalama wa wananchi na mali zao.

2. HUDUMA ZA KIJAMII ZINAZOTOLEWA PAMOJA NA FURSA ZILIZOPO

 A. ELIMU

Kata ya Mwatenga ina Jumla walimu 25, shule za Msingi tatu (3).

 i. ELIMU MSINGI

• Shule ya Msingi Uhusiano
• Shule ya Msingi Mwatenga
• Shule ya Msingi Kilambo

 ii. ELIMU SEKONDARI

hakuna shule ya sekondari

B. AFYA

Kata ya Mwatenga ina watumishi wa idara ya afya ni wawili (2), zahanati 1 kijiji cha Kilambo kati ya vijiji vilivyopo, magonjwa yanayosumbua mara kwa mara ni ; Maralia, Taifod, UTI na HIV

C. KILIMO, UMWAGILIAJI NA USHIRIKA

Kata ya Mwatenga ina jumla ya watumishi 2 idara ya Kilimo, Umwagiliaji na ushirika, na ina jumla ya wakulima 6,569, wanawake 3,963 wanaume 2,606. Eneo linalofaa kwa kilimo ni hekta 10,330, lakini eneo linalolimwa ni hekta 8,330. Mazao yanayopatikana katika kata ya ni, mpunga, mahindi, karanga, Alizeti, Mihogo, maharage, Nyanya. Tikiti maji na Pilipili Hoho.

Kuna skimu moja tu ya umwagiliaji.

Huduma zinazotolewa na Wataalam wa Kilimo ni ;

• Huduma za ugani
• Mashamba darasa juu ya Kilimo cha Kisasa
• Hifadhi bora ya Mazao ya Chakula
• Elimu juu ya ushirika
• Ukaguzi wa vyama vya ushirika pamoja na ushauri wa namna ya kuviendesha na kuvisimamia
• Kutatua Migogoro ya Wakulima na Wafugaji
• Elimu ya masoko na stakabadhi ghalani
• Ushauri juu ya matumizi sahihi ya maji
• Ushauri juu ya matumizi sahihi ya zana za Kilimo na pembejeo
• Ushauri juu ya Kilimo bora cha Mazao
• Kukusanya takweimu za Mvua
• Kuandaa na kutoa taarifa ya Utekelezaji ya kila robo mwaka na kuwasilisha wilayani.
• Kuandaa na kutoa taarifa ya Utekelezaji wa Maendeleo ya Kilimo katika Kamati ya Maendeleo ya kata.

D. MIFUGO NA UVUVI

Kata ya Mwatenga ina jumla ya watumishi 2 wa idara ya mifugo na Uvuvi na ina jumla ya mifugo 23,038.

Huduma zinazotolewa na Idara ni pamoja na;

• Tiba kwa magonjwa dhidi ya Mifugo
• Huduma mbalimbali za Mifugo kama kuhasi, kukata pembe, kwato na midomo, kupiga chapa Mifugo, kukata meno, kuzalisha, kuogesha na Ukaguzi wa nyama
• Ushauri juu ya ujenzi bora wa mabanda ya Mifugo
• Kutoa elimu ya ufugaji bora wa namna ya ufugaji wa Mifugo yenye tija
• Ukaguzi wa Nyama na usafi katika Machinjio
• Kusimamia zoezi Endelevu la upigaji chapa wa mifugo

Sekta ya Uvuvi ni mojawapo ya sekta zinazofanya kazi katika kata hii. Idara inaendelea kushauri wananchi juu ya uchimbaji bora wa mabwaya ya samaki kwa ajili ya ufugaji wenye tija.

E. MALIASILI

Kata ya Mwatenga ina mtumishi 1 wa maliasili mpaka sasa ambaye anasimamia Kata ya Mwatenga na Mahongole

 ii. Hifadhi ya Misitu

Kata ya Mwatenga inaendelea kuhamasisha wananchi juu ya ulinzi na utunzai wa hifadhi za Misitu  kwa kupanda miti, kuzuia uharibifu wa mazingira kwa kuchoma mkaa na kukata miti hovyo bila ya kuipanda upya, pamoja na kutoa ushauri wa kitaalamu juu ya uoteshaji na upandaji miti.

 ii. Mikakati ya uhifadhi wa mazingira pamoja na faida inayopatikana kutokana na uhifadhi huo. 

Kata inaendelea kutoa hamasa kwa wananchi pamoja na taasisi kuhusiana na kuendelea kulinda mazingira hasa maeneo ya vyanzo vya maji kwa matumizi Endelevu, kuendelea kushauri kutengwa kwa Bajeti kwa ajili ya uoteshaji na upandaji wa miti katika Vijiji

F. MAENDELEO YA JAMII

Kata ya Mwatenga haina watumishi wa Idara ya Maendeleo ya Jamii mpaka sasa, huduma zinazotolewa na kata ni kama ifuatavyo;

• Uandikishaji wa vyeti vya kuzaliwa kwa watoto chini ya miaka 5
• Elimu ya ulinzi na usalama wa mtoto
• Elimu ya kupinga ukatili kwa akina mama na watoto
• Kutetea haki za wazee, watoto na jamii kwa ujumla
• Kuhamasisha wananchi kujiunga na bima ya afya
• Kuhamasisha wazazi kupeleka watoto shuleni
• Kufuatilia shughuli za kiuchumi zinazofanywa na wanufaika wa Tasaf
• Kufuatilia Utekelezaji wa Kamati za ukimwi vijijni (VMAC)
• Kuhamasisha Wanawake, Vijana na Walemavu juu ya shughuli mbalimbali za ujasiliamali
• Kuhamasisha shughuli za Maendeleo kwenye mikutano na vikundi
• Kusimamia shughuli mbalimbali za Maendeleo vijijini.